Saıasat • 02 Mamyr, 2019

Asqar Mamın Chevron ókili Todd Levımen kezdesti

725 ret kórsetildi

Premer-Mınıstr Asqar Mamın Eýropa, Eýrazııa jáne Taıaý Shyǵystaǵy Chevron barlaý jáne óndirý jónindegi prezıdenti Todd Levımen kezdesý ótkizdi. Bul týraly Úkimettiń baspasóz qyzmeti habarlady.

Kezdesý barysynda munaı-gaz salasyndaǵy birlesken jobalardy iske asyrý aıasynda yntymaqtastyqty odan ári damytý máseleleri talqylandy. Chevron kompanııasy Qazaqstannyń munaı óndirý salasyndaǵy iri seriktesteriniń qatarynda, Teńiz, Qarashyǵanaq jobalaryna, Kaspıı Qubyr Konsorsıýmy munaı qubyryn keńeıtýge qatysady.

2018 jyly TShO munaı ónimderiniń kólemi 28,6 mln tonnany qurady.

Todd Levı bıyl munaı óndirý boıynsha josparly kórsetkishter asyra oryndalatynyn aıtty. О́z kezeginde, Bolashaq keńeıtý jobasyn — Saǵalyq qysymdy basqarý jobasyn iske asyrý 2022 jylǵa qaraı óndirýdi jylyna 12 mln tonnaǵa ulǵaıtýǵa jol ashady. Jobalardy iske asyrý máselelerinde qazaqstandyq qyzmetkerler úlesin ulǵaıtýǵa erekshe kóńil bólingen. TShO keńeıtý jobasyna 45 myńnan astam qazaqstandyq tartylǵan, bul qyzmetkerlerdiń jalpy sanynyń 91% quraıdy.

Kezdesýdi qorytyndylaı kele, QR Úkimetiniń basshysy Asqar Mamın munaı-gaz jáne munaı servısi salalaryndaǵy jergilikti óndiristi damytýdyń mańyzdylyǵyna toqtalyp ótti. Jabdyqtar men tehnıkany elimizde shyǵarý ındýstrııalandyrýdy damytýǵa qosymsha serpin beredi jáne jańa jumys oryndaryn ashýǵa jol ashady.

Taraptar yntymaqtastyqty joǵary baǵalaıtyndaryn aıtyp, áreket etip turǵan jobalardy jalǵastyryp, jańa birlesken jobalardy qolǵa alý turǵysynan strategııalyq seriktestikti jalǵastyrýǵa nıet bildirdi. QR-nyń ekonomıkalyq kórsetkishteriniń ósýi men ınvestısııalyq ahýaldy jaqsartý jónindegi turaqty jumystardy eskersek, ózara is-qımyldy odan ári keńeıte túsýge úlken áleýet bar. 

Máseleni talqylaýǵa «QazMunaıGaz» UK» AQ basqarma tóraǵasy A. Aıdarbaev, QR energetıka vıse-mınıstri M. Myrzaǵalıev qatysty.

Sońǵy jańalyqtar

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Álkeıdi áli zertteý qajet

Aımaqtar • Búgin, 08:55

Ulttyq ulanda boldy

Qazaqstan • Búgin, 08:52

Kıprdan kelgen kúmis pen qola

Bilim • Búgin, 08:50

Ǵalymdar muǵalimderge keńes berdi

Ǵylym • Búgin, 08:48

Balalarǵa ekzoskelet áperedi

Medısına • Búgin, 08:43

El damýynyń bolashaǵyna arnaldy

Qazaqstan • Búgin, 08:36

Uqsas jańalyqtar