Qalamqastaǵy avarııanyń sebebi anyqtaldy

Mınıstrlik, Mańǵystaý oblysy ákimdigi, «QazMunaıGaz» UK» AQ, «Mańǵystaýmunaıgaz» AQ, «Sı Bý» Injenerli Burǵylaý Kompanııasy» JShS (Aqtaý), ava­rııalyq-qutqarý qyzmetterin kór­setýshi «Kásibı avarııalyq-qut­qarý qyzmettiniń respýblıkalyq ortalyq shtaby» JShS «Aq-Beren» Mańǵystaý fılıaly, sondaı-aq «Batysqazjerqoı­naýy» óńiraralyq departamentiniń Mańǵys­taý ob­lystyq ıspeksııasynyń  geofı­zı­k­alyq jáne jobalyq uıymdar ko­mıs­sııa ókilderi birlese otyryp «Sı Bý» Injenerli Burǵylaý Kom­panııasy» JShS burǵylaý kompa­nııa­sy usynǵan jobalyq jáne oryndaýshy qujattarǵa, sondaı-aq  grıfondy gaz-sý kórinýleri sebepterine naqty taldaýlar júrgizgen.

Usynylǵan materıaldardy qaras­tyra kelgende, «Sı Bý» In­je­nerli Burǵylaý Kompanııasy» JShS uńǵymany burǵylaý kezinde ónerkásiptik qaýipsizdik talaptaryn buzǵandyǵy, bul óz kezeginde gaz-sý kórinýlerine alyp kelgeni anyqtalǵan. 

Merdiger uıym «Sı Bý» Inje­nerli Burǵylaý Kompanııasy» JShS-niń uńǵymany salýǵa arnalǵan teh­nıkalyq jobany jáne munaı men gaz uńǵymalaryn bekitý jónin­degi ádistemelik nusqaý­lar­dyń talapta­ryn buza otyryp, sement­tiń qata­ıýyn kútýdiń belgi­lengen ýaqytyn kútpes­ten, uńǵymanyń saǵasy ý­a­qytynan buryn germetızasııa­lan­ǵan eken.

Buǵan qosa, atqylamaǵa qarsy jabdyqty (AQJ) paıdalanýǵa qatysty ónerkásiptik qaýipsizdik salasyndaǵy normatıvtik-quqyqtyq akt talaptary saqtalmaǵan.

– «Sı Bý» Injenerlik Burǵylaý Kom­panııasy» tarapynan osy uńǵy­manyń qurylysyn qaýipsiz júr­gizýge qajet bolǵan óndiristik baqy­laý qam­tamasyz etilmegen, son­daı-aq kom­panııa qyzmetkerleriniń óner­kásip­tik qaýipsizdik salasyndaǵy bilim dárejesi sáıkes kelmeıdi, – deıdi Nyǵ­metjan Maqajanov.

Tergep-tekserý materıaldary quqyq qorǵaý organdaryna berilgen. Esterińizge sala ketsek, «Qalamqas» ken ornyndaǵy órtti jedel sóndirýge Memleket basshysy Qasym-Jomart Toqaev pármen berip, máseleni óz baqylaýyna alǵan bolatyn.