- Mańǵystaýda 33 meshit bar, 4 meshittiń qurylysy júrgizilýde. Onyń ekeýi Mańǵystaý aýdanynda Ońdy jáne Jarmysh aýylynda, ekeýi Munaıly aýdanyna qarasty Dáýlet jáne Qyzyltóbe aýylynda. Al, salynyp jatqan jańa shaǵyn aýdandarǵa qatysty meshit qajettigine baılanysty usynystar bolýda. Bul jóninde qalalyq ákimdikke jer máselesine baılanysty usynys túsirdik, dedi oblystyń Bas ımamy S.Seıtbekov.
Qazaqstan Musylmandary Dinı Basqarmasynyń Mańǵystaý oblysy boıynsha ókil ımamynyń aıtýynsha, meshitke kelýshi jamaǵattyń ishinde qaıyrymdylyq sharalary jıi atqarylyp turady jáne muqtaj otbasylarǵa úı salynyp berilgen.
- Meshitterdiń atqaryp jatqan jumystarynyń biri - ol qaıyrymdylyq sharasy. Meshit – Qudaıǵa mánajat jasalynatyn jer. Degenmen, sol meshitke kelýshi jáne ózge de qol ushyn berýshi azamattardyń kómegimen apta saıyn qaıyrymdyq sharalary ótkiziledi. Qaıyrymdylyq sharasynyń baǵyttary da ár túrli bolýda. Qarajat, azyq-túlik nemese basqa da túrleri bar. Bıyl eki otbasyǵa úı salynyp berildi, al qazir taǵy da eki otbasyǵa úı salynýda, dedi Bas ımam.
