«Túrkııanyń 2010-2023 jyldarǵa arnalǵan MJÁ gospıtaldyq baǵdarlamasy jalpy qýaty 44 myń oryndyq 32 kópbeıindi aýrýhana salýdy qamtıdy. Baǵdarlama halyqaralyq qarjy ınstıtýttarynyń qarjylyq jáne konsýltatıvtik qoldaýymen iske asyrylady. Baǵdarlama halyqaralyq qarjy ınstıtýttarynyń eleýli qarjylyq jáne konsýltatıvtik qoldaýymen iske asyrylýda. Baǵdarlama jetistiginiń faktorlary:
- Infraqurylymdyq model. Obektilerdi salý jeke ınvestısııalar esebinen júzege asyrylady. О́z kezeginde, obekti paıdalanýǵa berilgennen keıin salynǵan qarajatty memleket 25 jyl ishinde qol jetimdilik úshin aqy tóleý arqyly qaıtarady jáne jekeshe áriptes kórsetetin medısınalyq emes qyzmetterge aqy tóleıdi. Investorǵa valıýtalyq táýekelden jáne ınflıasııa táýekelinen qorǵaýǵa kepildik berilgen,sondaı-aq jobalyq qýattyń 70% deńgeıinde qyzmetterdiń eń az kólemine kepildik berilgen.
- MJÁ boıynsha ashyq halyqaralyq tenderler jáne halyqaralyq quqyq sheńberinde ınvestorlardyń quqyqtaryn qorǵaý;
- Jobalaý qujattamasynyń aralyq saraptamasyn boldyrmaıtyn MJÁ qujattamasy men konkýrsyn ázirleý kezeńinde qarjylandyrý jáne kelisý rásimderin tıimdi uıymdastyrý» dedi mınıstr.
Onyń aıtýynsha, osy MJÁ baǵdarlamasy sheńberinde búginde:
- 9 obekt paıdalanýǵa berildi (qýaty 500-den 3500 orynǵa deıin),
- 12 qurylys júrgizilýde,
- 10 konkýrs kezeńinde,
jáne 1 joba maquldaý satysynda eken.
Sonymen qatar túrik tarapy usynǵan taldaý memlekettik qurylyspen salystyrǵanda obektiler merziminde qurylatynyn, obektilerdiń sapasy men jaraqtandyrylýy zamanaýı talaptarǵa sáıkes keletinin, aýrýhananyń barlyq prosesterine úzdiksiz qyzmet kórsetýdi qamtamasyz etetinin kórsetti. Kelisimshart boıynsha aqy tóleý jekeshe áriptestiń 600 sapaly ındıkatoryn oryndaý eskerile otyryp, júzege asyrylady.
