Saıasat • 06 Mamyr, 2019

A. Mamın: MJÁ – ınvestısııalardy tartýdyń negizgi quraldarynyń biri

892 ret kórsetildi

Úkimet otyrysynda Premer-Mınıstr Asqar Mamın mınıstrlikter men óńir ákimderiniń baıandamalaryn tyńdaǵannan keıin, memlekettik-jekemenshik áriptestikti odan ári damytý jóninde birqatar naqty tapsyrmalar berdi. Bul týraly Úkimettiń baspasóz qyzmeti habarlady.

«MJÁ – ınvestısııalardy tartýdyń negizgi quraldarynyń biri ári ekonomıkanyń qarqyndy ósýiniń faktory», — dep A. Mamın, atalǵan tetiktiń kóptegen damyǵan elderde belsendi qoldanylatynyn atap ótti.

QR Úkimetiniń basshysy elimizde jobalardyń iske asyrylýynyń oń qarqynyn atap ótip, MJÁ-niń qolda bar áleýetin tolyqtaı iske asyrýǵa jáne ekonomıkaǵa sheteldik jáne otandyq ınvestısııalardy tartýǵa jańa serpin berip, onyń sapaly ósimin qamtamasyz etýge múmkindik beretin birqatar máseleni sheshýge nazar aýdarýdy tapsyrdy.

«MJÁ damytý Úkimet jumysynyń basym baǵyttarynyń biri», — dedi Asqar Mamın.    

Qazaqstanda búginde 3 trln teńgege 1300-ge jýyq kelisimshartqa qol qoıyldy jáne ázirlený satysynda tur. Eń aýqymdy jobalar kólik jáne ınfraqurylym, energetıka jáne turǵyn úı kommýnaldyq sharýashylyq, bilim berý, densaýlyq saqtaý sektorlarynda iske asyrylýda.

Sapaǵa basymdyq berilgen. QR Premer-Mınıstriniń aıtýynsha, óńirlerdiń ákimderi bıýdjetten az shyǵynmen iske asyrylatyn jobalarǵa basa nazar aýdarýy kerek.

Iri ınfraqurylymdyq jobalardy, onyń ishinde kólik jáne energetıka, turǵyn úı kommýnaldyq sharýashylyq jobalaryn iske asyrýdy jandandyrý maqsatynda, Mınıstrler kabınetiniń basshysy memlekettik-jekemenshik áriptestiktiń damýyn yntalandyrýda halyqaralyq aldyńǵy qatarly tájirıbeni eskere otyryp, qosymsha tetikterdi pysyqtaýdy tapsyrdy.

«Densaýlyq saqtaý salasynda MJÁ jobalary belsendi túrde iske asyrylyp jatyr. Bul baǵyttyń áleýeti úlken», — dedi A. Mamın. Atalǵan tetikti qoldaný QR Densaýlyq saqtaý mınıstrliginiń jańa tásilderin eskere otyryp jalǵasyn tabady. Olardyń qatarynda «Asa mańyzdy» qaǵıdaty boıynsha MJÁ-niń iri ınfraqurylymdyq jobalaryn josparlaý men iske asyrý modeli bar.

Bilim berý jelisi boıynsha MJÁ quraly balabaqshalardy oryndarmen qamtamasyz etý úshin belsendi túrde qoldanylýda — «Balapan» baǵdarlamasy iske asyrylyp jatyr. Búgingi tańda balabaqshalardaǵy oryndardyń 40%-ǵa jýyǵyn jeke sektor berip otyr, bul 307 myńnan astam bala. О́ńir ákimdikterine balabaqshalar úshin jan basyna qaraı qarjylandyrý normatıvin oryndaýdy qamtamasyz etý qajet.

«Mektepterdi salý kezinde memlekettik-jekemenshik áriptestik tájirıbesin keńinen taratqan jón», — dedi QR Premer-Mınıstri. — Barlyq tetikter men quraldar ázirlengen».

Qazirgi kezde kásiptik-tehnıkalyq bilim berý júıesinde MJÁ jobalaryn iske asyrý pysyqtalyp jatyr. Birlesken jobalardy damytý men basqarý boıynsha bıznes tarapynan úlken qyzyǵýshylyq bar.

«Ekonomıkany damytý úshin memlekettik-jekemenshik áriptestik – ártúrli ınfraqurylymdyq jáne áleýmettik jobalarǵa jeke ınvestısııalar tartýdyń asa mańyzdy kózi», — dep Asqar Mamın, QR Ulttyq ekonomık mınıstrligine jumysty kúsheıtýdi tapsyrdy. —  «Qazaqstandyq MJÁ ortalyǵy» óz jumysyn jańa formatqa sáıkes uıymdastyryp, ınvestorlarǵa “bir tereze” qaǵıdaty boıynsha MJÁ jobalaryn qalyptastyrý jáne olardy súıemeldeý ortalyǵyna aınalýy qajet».


Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar