Tazalyq pa, álde toǵysharlyq pa?

Juma, 31 mamyr 2013 2:01

Jaqynda bir telearnanyń jaýyn-shashyn tyıylyp, kún ashylǵannan keıin jol polısııa­sy qyzmetkerleri qalalardaǵy avtokólikterdiń tazalyǵyn tekserýge kiristi degen syńaıda aq­­­­parat taratyp jatqanyn estidim. Bul, árıne, bir qaraǵanda, kó­ńil qýantarlyq-aq habar bola­tyn. Ásirese, sen turatyn qa­lada tártip pen tazalyq ornatamyz dep jatsa oǵan qalaı qýan­bassyń? Degenmen, eger má­selege tereńirek úńilip qaraıtyn bolsaq, osyndaı jaqsy habardyń artynda túıtkildi túıinder de bar sııaqty.

Juma, 31 mamyr 2013 2:01

Jaqynda bir telearnanyń jaýyn-shashyn tyıylyp, kún ashylǵannan keıin jol polısııa­sy qyzmetkerleri qalalardaǵy avtokólikterdiń tazalyǵyn tekserýge kiristi degen syńaıda aq­­­­parat taratyp jatqanyn estidim. Bul, árıne, bir qaraǵanda, kó­ńil qýantarlyq-aq habar bola­tyn. Ásirese, sen turatyn qa­lada tártip pen tazalyq ornatamyz dep jatsa oǵan qalaı qýan­bassyń? Degenmen, eger má­selege tereńirek úńilip qaraıtyn bolsaq, osyndaı jaqsy habardyń artynda túıtkildi túıinder de bar sııaqty. Ol nendeı túıtkil?

Birinshiden, avtokólikterdi jýyp, ár ýaqytta taza ustaý qajettigin túsine jáne ondaı talappen kelise otyryp, o jer, bu jerlerinen qara maı aq­qan, kýzovtarynyń keı tus­ta­ry maıysqan, boıaýy ketken, tipti kerek bolsa, shirigen avto­mo­bılderdiń kóshelerimizde tolyp júrgenin qaıda qoıamyz? Zaýyttan shyqqanyna 15-20 jyl bolǵan mundaı avtokólikter qalanyń sánin ketirip qana qoımaı, sonymen birge onsyz da tútinge tunshyǵyp turǵan shaharlarymyzdyń ekologııasyna da aıtarlyqtaı nuqsan keltirýde. Osyny eskere kelgende, tazalyqty tym eski mashı­nalardyń kóshelerde emin-erkin júrýine tyıym salýdan bastaǵan jón shyǵar. Bul rette ondaı kólikter ıelerine tehnıkańnyń syrt beınesin ádemilep, aýaǵa zııandy zat shy­­­­ǵarmaıtyndaı jaǵdaıǵa keltir degen talap qoısa jetip jatyr.
Al, ekinshi másele osy avtomashınalardy jýatyn oryndarǵa qatysty týyndaıdy. Búginde Qazaqstannyń kez kelgen qala­synda ne kóp, avtomobıl jýa­tyn oryndar kóp. Aıta bersek, munyń ózi bıznestiń eń bir jeńil túrine aınalyp ketti. Bir avtokólikti jýǵany úshin (olardyń memleketke qansha salyq tóleıtinin eshkim bilip te jatqan joq) 1 myń nemese odan joǵary teńge suraıtyn avtomobıl jýýshylar sýdy qaıdan alyp jatyr? Sońǵy jyldary álemde aýyz sý tapshylyǵynyń tym shıelenisip bara jatqanyn aıtyp dúnıe júzi ǵalymdary dabyl qaǵýda. Al bizdiń elimizdiń aýyz sýǵa baı emes ekeni ejelden belgili. Demek, onsyz da altynǵa bergisiz tapshy sýdy, avtomashınalardy jýý arqyly (táýlik boıy jumys isteıtin avtomobıl jýý oryndary sýdy tonnalap shyǵyndaıdy), bosqa rásýalap jatqan bolýymyz da ábden múmkin. Olaı bolsa, kóz aldaıtyn tazalyqtyń tasasynda tabıǵatqa nuqsan keltirý, onyń ishinde sýdy ysyraptaý sııaqty toǵysharlyq jatqan joq pa degen de oı keledi…

Seıfolla ShAIYNǴAZY,
«Egemen Qazaqstan».