- Basqosýǵa jınalǵan aýyl kásipkerleri ózekti máselelerin ortaǵa salyp, onyń sheshilý joldaryn tıisti mamandardan surady. Iskerlerdiń kópshiligin bıznesti damytýǵa qajetti nesıe alýdyń qıyndyǵy tolǵandyrady eken. Ásirese, óńirdegi 1% nesıe beretin "Nur kapıtal" baǵdarlamasy qarajatynyń qol jetimsizdigi taqyrypqa tuzdyq boldy, deıdi baspasóz hatshysy J.Ábil.
-Men halyqaralyq tas joldan sháıhananyń qurylysyn bastadym. Endi ishki jumystary men qural-jabdyqtarǵa 10 mln teńge nesıe qajet bolyp tur. «Nur kapıtal» boıynsha nesıe alaıyn desem, kepilge Aqtaýdan 3-4 bólme úı qoıýymdy suraıdy. «Atamekenniń» nesıesi 6 mln teńge, azdyq etedi. Kásibimdi bastap ketsem 5 adamdy jumyspen qamtyp, otbasymdy asyraıtyn edim. Mamandardan osynyń sheshý joldaryn surap, keńes aldym, deıdi kásipker Mereke Ahmetov.
Bul baǵdarlama boıynsha nesıe tapsyrǵan aýdandaǵy 20 kásipkerdiń de jaı-kúıi osyndaı. Sharada aýylsharýashylyǵy salasyna asa qajet sý máselesi de qozǵaldy. Mańǵystaý aýdany ákiminiń orynbasary T.Qylańovtyń aıtýynsha, aýylsharýashylyǵyn sýlandyrý maqsatynda 2007 jyly 7, 2018 jyly 13 qudyq qazyldy. Tereńdigi 100 metrden asatyn qudyqtarǵa 80/20 baǵdarlamasymen sýbsıdııa beriletin edi. Sońǵy jańalyqtarǵa oraı tek 100 metrge deıingi qudyqtar qarjylandyrylady. Osy úlken másele bolyp otyr. Ústirtte 100 metrge deıin sý shyǵady, al oıda 300 m, Bozashy túbeginde 700 m tereńnen ǵana sý shyǵady. Bul sýǵa táýeldi sharýalarǵa kedergi bıýolyp otyr.
Mańǵystaý aýdanynda 3 myńǵa jýyq kásipker bar. Olardyń deni mal sharýashylyǵy salasyn órkendetip otyr. О́ńirlik keńeste qozǵalǵan túıindi máseleler sheshilse, kásipkerlik salasynyń damýy arta túser edi, deıdi sharýalar.
-Jýyq arada ákimderdiń reıtıngin jasaýdy qolǵa alamyz. Bastapqy kezeńi test túrinde ótkizildi. 17 baǵyt boıynsha jumys sapasy saralanady. Kásipkerliktiń damýy, jer máselesi t.b.boıynsha aýdan ákimderiniń reıtıngi anyqtalyp shyǵady. Odan ári respýblıkalyq kólemde júzege asyrylmaq. Jobalyq ofısti quryp otyrmyz. Barlyq eldi mekendegi kásipkerlerdiń ónimderin ári qaraı tutynýshylarǵa ótkizý joldaryn qarastyramyz. Elbasy óńdeýshi ónerkásibin qoldaýǵa 600 mlrd tg jumsaý, ony júzege asyrý úshin «Qarapaıym zattar ekonomıkasy» baǵdarlamasy jasaqtaldy. Aýyl kásipkerleri men ákimderine osy jaıttardy jınalysta tolyq túsindirdik, deıdi О́ńirlik kásipkerler palatasynyń dırektory Nurbek Qarasaev.
Odan ári aýyl kásipkerlerine «Atameken Services» onlaın qyzmeti arqyly úıde otyryp-aq barlyq mańyzdy qyzmetterdi paıdalaný qajettigi týrasynda aqparattandyrý jumystary júrgizildi. «Atameken» mıkroqarjy uıymy, «Damý» kásipkerlikti qoldaý qory men ekinshi deńgeıli bank ókilderi de sharýalarǵa tıimdi sharttardy túsindirip berdi. Aýyl kásipkerleri aýqymdy sharanyń alda da jıi ótýine tilektestik bildirdi.
