Budan keıin astanalyq dárigerler sheberlik saǵatyn ótkizip, tájirıbelerimen bólisti.
«Jyl saıyn osy dertke shamamen 150 myńdaı adam shaldyǵady. Estý múshesi qabynýynyń saldarynan kesel asqynyp, onyń sońy aýyr kereń bolyp qalý sekildi aýyr zardaptarǵa soqtyrýy múmkin. Qulaqqa ota jasaý kezinde qoldanylatyn mıkroskop elimiz boıynsha úsh qalada ǵana bar. Sonyń biri – Petropavl. Mundaı ota buǵan deıin Nur-Sultan men Almatyda ǵana júzege asyrylyp kelgen. Bul qurylǵy qulaqtyń isingen, irińdegen, qabynǵan jerlerine ota jasaýǵa múmkindik beredi», deıdi shtattan tys bas lor-dáriger Arman Ábilev.
Oblystyq balalar aýrýhanasy lor bólimshesiniń meńgerýshisi Abzal Bólekbaev jergilikti dárigerler biliktilikterin únemi jetildirip otyratynyn, emdeý mekemesi zamanaýı medısınalyq qondyrǵylarmen tolyqtyrylǵanyn jetkizdi. Mıkroskoppen qosa mıkrotempanaldyq jıyndyq, protezder men shýnttar satyp alynǵan.
Astanalyq lor-dárigerlerdiń óńirdegi jumys sapary bir aıǵa jalǵasady.
Soltústik Qazaqstan oblysy
