«Adamdardyń ómir sapasyn jaqsartý iKomek ortalyǵyn ashýdyń da, jumysynyń da basty maqsaty. Tótenshe jaǵdaılardan basqa máselelerdiń barlyǵyna ortalyq jaýap beredi», deıdi iKomek ortalyǵynyń dırektory Marǵulan Alqýatuly.
Ortalyqta 28 adam jumys isteıdi, olardyń tórteýi ákimshilik topta, qalǵan 24 adam operator, ınspektor, sarapshy retinde qyzmet kórsetedi. Ortalyqtyń ashylý saltanatynda Marǵulan Alqýatuly oblys ákimi Arhımed Muhambetovke qyzmet sıpatyn baıandap berdi.
«Aldaǵy ýaqytta turǵyndar suraqtaryn kommýnıkasııanyń baryq salalary arqyly, naqtyraq aıtsaq, barlyq áleýmettik jeliler, WhatsApp, mobıldik baılanys arqyly da qabyldaıtyn bolamyz. Munyń syrtynda facebook, Instagram sekildi áleýmettik jeliler arqyly monıtorıng engizildi, sonymen qatar «Smart Kostanaı» mobıldik qosymshasymen de tize qosý oıda bar. Biz ashylǵan táýliktiń ózinde 20 turǵynnan qońyraý tústi. Adamdar qoıǵan máselelerdiń barlyǵy derlik kompıýter bazasyna engizilgen. Eger ol anyqtaýdy kerek etetin bolsa, ony sarapshylar alyp, tıisti organdarmen, mamandarmen jumys istep, 7 kún ishinde jaýabyn beredi» dedi Marǵulan Alqýatuly.
Ortalyqta bir myńnan asa qyzmet túri engizilgen. Barlyq atqarý organdary men kommýnaldyq qyzmet túgel qatystyrylǵan. Mamandardyń aıtýynsha, Qostanaı qalasy turǵyndarynan táýligine 1,5 myńdaı qońyraý túsýi yqtımal. Ortalyq táýlik boıy jumys isteıtin bolady. Eger suraq kóbeıip, qyzmetkerler úlgere amaıtyndaı bolsa, onda shtatty keńeıtý de oıda bar ekeni aıtyldy.
«Alǵashqy aıda iKomek ortalyǵynyń jumysyn erekshe baqylaýǵa alý kerek. Ras, jańa qurylym, jumys endi qolǵa alynǵandyqtan tájirıbe jınaqtaý kerek ekeni de túsinikti. Biraq qyzmet óte sapaly kórsetilýi tıis. Qala turǵyndarynyń ótinishteri men suraqtaryna jyldam qulaq asyp, onyń oryndalýy da tıisti oryndar tarapynan tezdetilsin. Bir aı jumys jaqsy júrse, odan arǵy ýaqytta qalyptasady, retke keledi», dedi oblys ákimi Arhımed Muhambetov.
Eske sala ketsek, Elbasy Nursultan Nazarbaev ótken jyly qarasha aıynyń sońyndaǵy ÚSh Azamattyq forýmda bergen tapsyrmasyna oraı, iKomek ortalyǵy alǵash ret Nur-Sultan qalasynda ashylyp, ótken jyldyń aıaǵynda jumys isteı bastady. Qostanaılyq mamandar Nur-Sultan qalasyna arnaıy baryp, ortalyq tájirıbesin úırenip qa ıtqan bolatyn. Sonyń nátıjesinde mundaı ortalyq Qazaqstanda ekinshi ret Qostanaıda ashyldy.
