Aımaqtar • 14 Mamyr, 2019

Qazaqstanda JITS-ten kóz jumǵandarǵa art-nysan qurylady

925 ret kórsetildi

Halyqaralyq JITS-ten qaıtys bolǵandardy eske alý kúni qarsańynda DSM Qazaq dermatologııa jáne ınfeksııalyq aýrýlar ǵylymı ortalyǵy (QDIAǴO) úkimettik emes uıymdarmen jáne azamattyq belsendilermen birlese otyryp, Qazaqstanda JITS-ten qaıtys bolǵandardyń esteligi retinde art-obekt qurýǵa muryndyq bolyp otyr.

QDIAǴO art-nysan qurý jónindegi ıdeıalar konkýrsyn jarııalap, barlyq múddeli adamdarǵa óz usynystary men eskızderin 2019 jylǵy 1 qarashaǵa deıin info@kncdiz.kz poshtasyna «Konkýrs» belgisimen jiberýdi usynyp otyr. Konkýrs jeńimpazynyń jobasy Almaty qalasynda júzege asyrylady. Konkýrs tujyrymdamasy men jáne sharttary http://www.rcaids.kz saıtynda egjeı-tegjeıli baıandalǵan.

– JITS búkil álemde mıllıondaǵan adamnyń ómirin jalmady. Olardy umytý múmkin emes. AITV-ınfeksııasy emdelmeıtin kezde, qaıǵyly estelikter jıi jańaryp turatyn edi. Ol kezde naýqastardyń eshqandaı tańdaýy bolmaǵandyqtan, kóz jumyp jatty. Antıretrovırýstyq terapııanyń paıda bolýymen AITV-ahýaldy adamdardyń ómiri uzardy. Sol ómirden ozǵandardy eske ala otyryp, endi bárimiz birigip, tiriler týraly oılaýymyz qajet, – deıdi QDIAǴO dırektory Baýyrjan Baıserkın.

Bıyl JITS-ten qaıtys bolǵandardy eske alýdyń Halyqaralyq kúnin álem 19 mamyr kúni atap ótedi. Bul kúni túrli elde, sondaı-aq, Qazaqstanda da dóńgelek ústelder, flesh-mobtar, trenıngter jáne basqa da is-sharalar bolyp uıymdastyrylady. Bul sharaǵa bolysý JITS-ten qaıtys bolǵandardy eske alyp qoımaı, AITV indetine kim tap bolǵandarǵa degen túsinistik nıetti bildiredi. Bizdiń elimizde bul sharalar «О́mir súrý úshin, este ustaımyz!» uranymen ótedi.

JITS-tan kóz jumǵandardy eske alý kúni qarsańynda qazaqstandyq belsendiler osy sharaǵa bolysýǵa nıet bildirgenderge taqyrypqa kóńil bólip, Feısbýk jelisinde óz sýretin arnaıy eske alý sheńberin qoldana otyryp, JITS-ten qaıtys bolǵandardy eske alýdy usynyp otyr.

Alǵash ret Halyqaralyq JITS-ten qaıtys bolǵandardy eske alý kúni (World Remembrance Day of AIDS Victims) 1983 jyly amerıkalyq San-Fransıskoda atalyp ótilgen. Sodan keıin birneshe jyldan soń osy aýrýǵa qarsy qozǵalystyń nyshany paıda boldy. Ol kıimge taǵylǵan qyzyl baý, sondaı-aq, túrli-tústi mata – ómirden ótken kóptegen adamdardyń belgisi retinde mata kesindilerinen tigilgen quraqtar. Bul atrıbýttardy 1991 jyly sýretshi Frenk Mýr oılap tapqan. Qazirgi ýaqytta JITS-ten qaıtys bolǵandardy eske alýdyń Halyqaralyq kúninde atalmysh naýqan belsendileri men beı-jaı qaramaıtyn adamdar ózderiniń kıimderine qyzyl baý taǵady.

ALMATY

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar