Azııa damý banki ForteBank-ke 31,320 mlrd. teńge kóleminde qaryz berdi. Bul qarajatty qarjy ınstıtýty 2019 jyldyń 2 qarashasyna deıin ıgerip, kásipkerlikti qoldaý men damytýǵa baǵyttaıdy. Nesıeniń maqsaty negizgi quraldardy satyp alý jáne jańǵyrtý, sondaı-aq aınalym qarajatyn tolyqtyrý bolyp tabylady.
"Shaǵyn jáne orta bıznesti qoldaý men damytý – ForteBank úshin mańyzdy baǵyttardyń biri. Búginde biz Damý, sondaı-aq Eýropa qaıta qurý jáne damý bankimen tabysty yntymaqtastyqta jumys isteımiz jáne bul jumysty Azııa damý bankimen qarjylandyrý boıynsha jalǵastyratynymyzǵa qýanyshtymyz. Bul qarjy uıymdary birneshe onjyldyqtyń ózinde kóptegen bankter úshin senimdi ári bilikti seriktes bola otyryp, óńir ekonomıkasynyń ósýine serpin berdi", – dep atap ótti ForteBank basqarmasynyń tóraǵasy Gýram Andronıkashvılı.
Baǵdarlama boıynsha qaryzdar jyldyq 12,5 paıyzdan bastap syıaqy mólsherlemesimen 1 mlrd. teńgege deıingi somaǵa beriledi. Merzimi – 84 aıǵa deıin, nesıe jelisi aralas bolýy múmkin. Eger baǵdarlama barysynda qarjylandyrý Azııa damý bankiniń qarajatynyń esebinen júrse, onda ol aıaqtalǵannan keıin tutynýshylardy ForteBank tikeleı qoldaıtyn bolady.
"Bıznestiń Jol kartasy-2020" baǵdarlamasy boıynsha basym sektorlar sheńberinde syıaqy mólsherlemesin sýbsıdııalaý mańyzdy basymdyqqa ıe bolady. Birinshi kezekte bul óńdeý ónerkásibi, metallýrgııa, óndiristiń ártúrli salasyndaǵy jobalarǵa jatady.
