Endigi jerde Ál-Farabı atyndaǵy Qazaq Ulttyq ýnıversıtetiniń hımııa jáne hımııalyq tehnologııa fakýlteti organıkalyq zattar, tabıǵı qosylystar jáne polımerler hımııasy men tehnologııasy kafedrasynda 5V074800 - «Farmasevtıkalyq óndiris tehnologııasy» mamandyǵy boıynsha bilim alyp, bakalavrıat dıplomyn alýǵa bolady (www.kaznu.kz).
Osy oraıda Ál-Farabı atyndaǵy QazUÝ organıkalyq zattar, tabıǵı qosylystar jáne polımerler hımııasy men tehnologııasy kafedrasy 5V074800 – «Farmasevtıkalyq óndiris tehnologııasy» mamandyǵy boıynsha bilim berýge lısenzııa aldy. Atalmysh kafedra bul lısenzııaǵa ońaılyqpen qol jetkizgen joq. Bul lısenzııany alý úshin de úmitker tarap kóptegen talaptarǵa saı bolýy kerek. Al atalǵan kafedra osy mamandyq boıynsha bilikti kadrlar daıyndaý úshin qoıylǵan talaptarǵa tolyǵymen saı keledi.
Kafedrada tórt ǵylymı baǵyt bar: organıkalyq hımııa, tabıǵı qosylystar hımııasy, dárilik zattardy tasymaldaý jáne joǵary molekýlalyq qosylystar hımııasy. Kafedra qyzmetkerleri dárilik zattar jasaý máselesimen tek búgin ǵana betpe bet kelip otyrǵan joq. Kóptegen jyldardan beri jańa dárilik zattardyń jańa túrlerin jasaýmen aınalysyp keledi. Atap aıtar bolsaq, ónerkásiptik satyǵa deıin jetkizilgen «Alhıdın», «Lımonıdın», «Ramon» men onyń jaqpa maıy, «Bıosed-K» jáne jaqpa maıy, «Sýttıgen» jáne jaqpa maıy, «Leıkoefdın» ıneksııaǵa arnalǵan eritindisi, «Alnýsıdın» jáne ıneksııaǵa arnalǵan eritindi sııaqty birqatar óndiristik preparattar bar.
Kafedra sonymen birge Polshadaǵy Varshava medısınalyq ýnıversıtetiniń farmasııa fakýltetimen tyǵyz baılanys ornatqan.
