Endi sharýalar úıinen shyqpaı-aq, alqaptardyń jaǵdaıyn qadaǵalaı alady. Egistic komandasy kez kelgen ýaqytta óskinderdiń qalyńdyǵy, tyńaıtqyshtardyń qanshalyqty ekendigi men topyraqtyń ylǵaldylyǵyn jáne basqa da kóp jaǵdaılardy qashyqtyqtan anyqtaýǵa múmkindik beretin, ǵarysh túsirilimderin óńdeýdiń biregeı júıesin jasady. Endigi jerde komanda daıyn ónimmen naryqqa shyǵatyny týraly málimdep otyr.
«Biz dál egin sharýashylyǵyna arnalǵan Egistic atty – Qazaqstandaǵy alǵashqy otandyq onlaın servıstiń iske qosylǵanyn qýana habarlaımyz. Agroónerkásip kesheni Qazaqstan ekonomıkasynyń bastapqy sektorynyń qozǵaltqyshy bolyp tabylady, sondyqtan jańa tehnologııalardy engizý ásirese, aýyl sharýashylyǵyn odan ári damytý úshin qajet. Osy oıdan qýat alǵan Egistic komandasy 1 jyl boıy ónimdi úzdiksiz iske qosyp, naqty nátıjesimen tanystyryp otyr», – dedi jobanyń negizin qalaýshy Naılıa Shodorova.
Egistic.kz – bul agronomdarǵa nemese agrobıznes ıelerine arnalǵan, barynsha az shyǵynmen eginshilikten paıdaly túsim alýǵa múmkindik beretin keshendi sheshim. Endi daladaǵy jaǵdaıdy baqylaý úshin úlken aýmaqty aınalyp ótýdiń qajeti joq. Birden, bir «klıkpen» ǵana aqparat alý úshin Egistic.kz platformasyna qosylý jetkilikti. Eger problemalar anyqtalsa, olardy jedel sheshýge múmkindik bar. Mysaly, ýaqytty joǵaltpaı, egistikter nashar kóterilgen ýchaskeni qaıta sebý nemese tyńaıtqyshtar jetkiliksiz bolǵan nemese ósimdikterdiń damýy normadan artta qalǵan jerlerde tyńaıtý jumystary.
Egistic – Tech Garden Derbes klasterlik qory júrgizetin Startup Kazakhstan halyqaralyq akselerasııa baǵdarlamasynyń tabysty jobalarynyń biri.
Búginde elimizdiń ár óńirinde 30-ǵa jýyq sharýa qojalyǵy Egistic platformasyn paıdalanady. Jobanyń qalaýshylar jyl boıy olardyń sany birneshe esege kóbeıedi dep josparlap otyr. Sonymen qatar, joba kórshi elderdiń naryǵyna shyǵady. Osylaısha, bastapqy kezeńde qazaqstandyqtardyń ázirlenýine reseılik «Ýralhım» alyby qyzyǵýshylyq tanytqan, qazir yntymaqtastyq týraly kelissózder júrgizilýde.
«Bizdiń ıdeıamyz NURIS, Astana Business Campus Nazarbaev Ýnıversıtetiniń ınnovasııalyq klasteri men «Ǵylym qory» AQ jáne Tech Garden DKQ qoldaýynsyz iske aspaıtyn edi. Jobamyzdyń damýyna jan-jaqty járdemdesken árbir adamǵa alǵys aıtamyz!» – deıdi jobanyń negizin qalaýshy Jandos Kerimqulov.
ALMATY
