Aımaqtar • 17 Mamyr, 2019

Almatyda ishek qabynýy aýrýlary boıynsha III ulttyq forýmy ótip jatyr

899 ret kórsetildi

Qoǵam nazaryn ishektiń qabynýyna shaldyqqan naýqastarǵa burý maqsatynda, jyl saıyn 35 eldiń basyn qosatyn Naýqastar uıymynyń bastamasymen 19 mamyr – Dúnıejúzilik IQA kúni dep belgilengen. Bul kúnniń resmı túsi – kúlgin. Ataýly kúni álemde osy aýyr syrqatpen ómir súrip otyrǵan bes mıllıon adamdy qoldaý kórsetiledi.

Sonymen búgin Almatyda Ishek qabynýy aýrýlary (IQA) boıynsha Úshinshi Ulttyq Forým medısına qyzmetkerleri jáne naýqastardyń qatysýymen Dúnıejúzilik IQA kúni qarsańynda ótip otyr.

Forým emdeýdiń asa tıimdi nátıjeleri men ómir súrý sapasyn meılinshe jaqsartý úshin medısına qaýymdastyǵynyń Kron jáne oıyq jaraly kolıt aýrýlarymen aýyratyn naýqastarmen ózara áreketin nyǵaıtýǵa arnalǵan dıalog alań bolyp tabylady.

Forýmnyń ózektiligi mynada: Qazaqstandaǵy naýqastardyń ortasha jasy 30 jas, naýqastardyń úshten bir bóligi múgedek, al olardyń ishinde ólim-jitim kórsetkishi  jalpy halyqqa qaraǵanda 40%-dan artyq.

Forýmda belgili dárigerler, olardyń ishinde gastroenterologtar, nýtrısıologtar, psıhologtar dertti adamdardyń durys tamaqtaný qaǵıdalaryna, psıhologııalyq kúıdi jeńildetý tehnıkalaryna, kásibı jáne áleýmettik beıimdelýge úıretedi.

Onlaın rejıminde, Feısbýk jáne Instagramm áleýmettik jelilerinde mamandardyń túsindirý jumystary jáne de keri baılanys júrgizýi arqyly týra translıasııa jasaý osy aqparattyń meılinshe qoljetimdi bolýyna múmkindik berdi. Forým spıkerleriniń qatarynda – Almaty qalalyq Qoǵamdyq densaýlyq saqtaý basqarmasynyń basshysy Qanat Tósekbaev, Kardıologııa jáne ishki aýrýlar ǴZI gastroenterologııa jáne gepatologııa kafedrasynyń meńgerýshisi, professor Aleksandr Nersesov, «Ishek aýrýlaryn zertteý jónindegi qazaq ǵylymı qoǵamy» QQ tóraıymy Jámılá Qaıbullaeva, «IQA aýyratyn tulǵalarǵa kómek kórsetý jáne qoldaý» QQ tóraǵasy Erbol Ámirjanov jáne basqalar bar.

Sondaı-aq 19 mamyrda Dúnıejúzilik IQA kúniniń qurmetine Nur-Sultan qalasyndaǵy «Han-Shatyr» saýda oıyn-saýyq ortalyǵynyń ǵımaratyna kúlgin tústi jaryq túsiriletin bolady. IQA aýyratyn naýqastarǵa tilektestik belgisi retinde 18-19 mamyrda Qazaqstan Premer-lıganyń 240 fýtbolshysy kúlgin tústi baılaýyshpen alańǵa shyǵatyn bolady.

Is-sharany QR DSM «Kardıologııa jáne ishki aýrýlar ǵylymı-zertteý ınstıtýty» AQ, «Ishek aýrýlaryn zertteý jónindegi qazaq ǵylymı qoǵamy» QQ, «IQA aýyratyn tulǵalarǵa kómek kórsetý jáne qoldaý qory» QQ uıymdastyryp otyr.





ALMATY

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar