Qolda bar aqparatqa sáıkes, qaterli isiktiń keńinen taraǵan túrlerine kelesi syrqattar jatady: sút beziniń, toq jáne tik ishekter, qýyqaldy beziniń, asqazannyń qaterli isikteri jatady. Osy dertterge qarsy kúreste kóp taraǵan kedergilerdiń qataryna adamdardyń medısınalyq kómekke derttiń ábden asqynǵan kezde júginýi men syrqatqa der kezinde dıagnoz qoıýdyń jetkilikti deńgeıde qoljetimdi bolmaýy jatady. Al bul óz kezeginde syrqattylyq pen saýyǵý deńgeıine keri áserin tıgizedi. Máselen, 2017 jyly tabysy tómen elderdiń tek 26%-nda ǵana patologııalardy esepke alýdyń jalpyǵa qoljetimdi qyzmeti jumys istedi. Tabys deńgeıi joǵary elderdiń 90%-nda tıisti medısına qyzmetter qoljetimdi boldy.
Bul máseleler Qazaqstan úshin de ózekti. Qaterli isikti zertteýdiń halyqaralyq agenttiginiń derekteri boıynsha, ótken jyly elimizde 34 000 adamǵa alǵash ret qaterli isikterge baılanysty dıagnoz qoıyldy.
Qaterli isikterdiń jańa óskinderin erte anyqtaýǵa baǵyttalǵan zertteýlerdi júrgizý – naýqastardyń densaýlyǵy men ómirin saqtaýdyń basty joly. DDSU málimetteri boıynsha, sút beziniń qaterli isigi, jatyr moıynshyǵynyń qaterli isigi, aýyz qýysy men toq ishekterdiń qaterli isigi sııaqty qaterli isik túrleri erte anyqtalǵan jáne zamanaýı terapııa ádisterimen emdelgen jaǵdaıda saýyǵýdyń joǵary deńgeıin kórsetýde. Qazaqstanda obyrǵa jan-jaqty dıagnoz qoıýǵa degen suranys artyp keledi. Nátıjesinde, otandyq medısına naryǵynda dıagnostıka men emniń sanqıly túrlerin usynǵan jańa oıynshylar paıda bolýda.
Bul týraly Almatyda ótken baspasóz máslıhatynda álemniń úsh úzdik onkology – Amerıka hırýrgtary alqasynyń, sondaı-aq Hırýrgtardyń Eýropalyq assosıasııasynyń músheleri qazirgi álemde úlken suranysqa ıe bolǵan dıagnostıka túrleri týraly jan-jaqty áńgimeledi.
ALMATY
