Qazaqstan • 17 Mamyr, 2019

XVI Eýrazııalyq medıa forým hedlaıneri kim: Trampty bılikke ákelgen adam

859 ret kórsetildi

Biz buǵan deıin de 22-24 mamyr aralyǵynda ótetin XVI Eýrazııalyq medıa forýmynyń spıkerleri quramynda belgili saıası qaıratker, qazirgi AQSh prezıdenti ákimshiliginiń eń bedeldi qyzmetkerleriniń biri Stıven Bennon bar ekendigin habarlaǵan edik.

Stıven Bennon – AQSh Prezıdenti Donald Tramptyń aǵa keńesshisi jáne strategııalyq máseleler boıynsha burynǵy bas mamany.

Bennon ulttyq qaýipsizdik máselesin zertteý boıynsha magıstr dárejesin Djordjtaýn ýnıversıtetinde jáne isker ákimshilik magıstr dárejesin Garvard ýnıversıtetiniń Bıznes mektebinde alǵan. Ol áskerı-teńiz kúshteriniń ofıseri, AQSh-tyń «Pol Foster»áskerı kemesinde Tynyq muhıty, Aravııa teńizi, Parsy shyǵanaǵynda áskerı mindetin ótegen. Pentagonda áskerı-teńiz operasııalary boıynsha qolbasshynyń arnaıy kómekshisi qyzmetin atqarǵan.

2016 jyly Stıven K.Bennon Donald Tramptyń prezıdenttik kampanııasyn basqarǵan. 2017 jyly Aq úıde AQSh Prezıdenti Donald Tramptyń aǵa keńesshisi jáne strategııalyq máseleler boıynsha bas mamany laýazymyn atqarǵan.

Bennon myrza – birqatar madaqtalǵan derekti fılmderdiń rejısseri, aqparattyq Breitbart News veb-saıtynyń atqarýshy tóraǵasy. Banktik Goldman Sachs konglomeratynyń birigýi men sińirý boıynsha maman retinde qyzmet atqarǵan.

Bennon – belsendi azamattyq ustanymy bar jan. «Azamattar Amerıka Respýblıkasy úshin!» qoǵamdyq qozǵalysynyń negizin qalaýshy. Bul uıym kommersııalyq emes bolyp tabylady. Sondaı-aq bılikti asyra paıdalaný máselelerin boıynsha is júrgizetin Zań ústemdigi qoǵamynyń tóraǵasy. Ol búkil álemdegi qoǵamdyq saıası belsendilik pen tanymal ulttyq ıdeıalardy qoldaıtyn  Eýropa, Ońtústik Afrıka men Azııadaǵy «The Movement» uıymynyń negizin qalaýshylardyń biri bolǵan. 

Sondaı-aq ol «Biz qalqan salýdamyz» uıymynyń konsýltatıvtik keńesiniń tóraǵasy bolyp tabylady. Uıym maqsaty – AQSh ońtústik shekarasyndaǵy qabyrǵa qurylysyn qarjylandyrý.

Eýrazııalyq Medıa forým aıasynda Bennon 24 mamyr kúni «Senim daǵdarysy. Kúshterdiń jahandyq bólinisi» paneldik sessııasyna qatysady.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar