Jazǵy oqytý kezeńine polıgondardy daıyndaý barysynda polıgondyq komandalar men «Batys» О́ńQ áskerı bólimderiniń saper áskerı qyzmetshileri polıgondardy jarylmaǵan snarıadtardan tazartýdy júrgizdi. Jumystarǵa ınjenerlik-saperlik bólimsheler men polıgondyq komandalar, sondaı-aq ótimdiligi joǵary áskerı tehnıka tartyldy.
Tazartýdy qajet etetin aýmaqtardyń jalpy aýdany 50000 ga asady. Bul Mańǵystaý, Aqtóbe jáne Atyraý oblystarynda ornalasqan «Oımasha», «Beket ata», «Eset batyr» jáne «Qarabotan» oqý-jattyǵý polıgondarynyń ýchaskeleri. Polıgondardyń jappaı josparly tazartylýy jylyna eki ret júrgiziledi. Negizgi mindet jeke qurammen oqý sabaqtaryn ótkizý kezinde qaýipsizdikti qamtamasyz etý maqsatynda jarylmaǵan snarıadtar men oq-dárilerdi joıýdan turady.
Qaýipsizdik maqsatynda barlyq qaýipti jarylǵysh zattar orynda bastyrmaly zarıadpen qoparý ádisimen joıylady. Saper áskerı qyzmetshiler arnaıy jeke qorǵanysh quraldarymen, brondy keýdeshelermen, saperdiń arnaıy qorǵanysh kostıýmderimen qamtamasyz etilgen, 0,6 metrge deıingi tereńdikte qaýipti jarylǵysh zattardy anyqtaý boıynsha mına izdeýishterdi izdestirý jáne barlaýdyń sý jańa quraldarymen jabdyqtalǵan.
Budan ózge, polıgondarda polıgondyq jabdyq pen oqý-jaýyngerlik toptyń tehnıkasyna qyzmet kórsetý boıynsha is-sharalar ótkiziledi. Júrgiziletin jumystar barysynda áskerı oq atý oryndarynyń jaı-kúıi men tehnıkalyq jabdyqtalýyna, oqý-materıaldyq bazanyń jetildirilýine, dalalyq lager men polıgondyq komandanyń tynys-tirshiligi men abattandyrylýy máselelerine aıryqsha nazar aýdarylady.
Mańǵystaý oblysy
