«Ortalyq Azııa + Japonııa» Dıalogy (OAJD) Syrtqy ister mınıstrleriniń 7-shi kezdesýine qatysý aıasynda Qazaqstan Respýblıkasynyń Syrtqy ister mınıstri Beıbit Atamqulov Tájikstan Respýblıkasynyń Prezıdenti Emomalı Rahmonmen kezdesti.
Qazaqstan Syrtqy saıası vedomstvosynyń basshysy Tájikstan bizdiń elimiz úshin Ortalyq Azııadaǵy senimdi dos jáne mańyzdy strategııalyq seriktes ekenin atap ótti. «Biz elderimiz ben memleketter basshylarynyń arasyndaǵy qalyptasqan jyly qarym-qatynastardy shynaıy baǵalaımyz», - dedi B.Atamqulov.
Taraptar maýsym aıynda Dýshanbede ótetin Azııadaǵy ózara is-qımyl jáne senim sharalary jónindegi keńestiń 5-shi Sammıtin talqylady. Qazaqstan tájik tarapyna tóraǵa retinde belsendi qyzmeti úshin rızashylyǵyn bildirip, tóraǵalyq kezinde tolyq qoldaý kórsetýge daıyn.
Tájikstan Prezıdenti E. Rahmon Qazaqstan Respýblıkasynyń Tuńǵysh Prezıdenti - Elbasy Nursultan Nazarbaevtyń Qazaqstannyń ǵana emes, sondaı-aq búkil Ortalyq Azııa óńiriniń damýyna qosqan zor úlesin atap ótti. «Nursultan Ábishuly - kóregen saıasatker jáne myqty basshy. Álemdik kóshbasshylardyń arasynda eń joǵary bedelge ıe», - dedi Tájikstan Prezıdenti.
Sonymen qatar, E. Rahmon 20 jyldan astam ýaqyt boıy Prezıdent Qasym-Jomart Toqaevty jeke tanıtynyn aıtyp ketip, ony tájirıbeli dıplomat jáne kásipqoı retinde biletinin atap ótti. Sonymen qatar, ol Qazaqstanǵa jaqsy jáne aıqyn prezıdenttik saılaýdy tiledi, onyń nátıjesi, sózsiz, qazaq halqynyń ıgiligine qyzmet etedi.
Sońǵy jyldary qazaq-tájik qarym-qatynastarynyń artýy baıqalady, saıası baılanystardyń nyǵaıyp, saýda aınalymynyń kórsetkishteri artyp keledi jáne 2018 jyly 845,9 mln. AQSh dollaryn qurap, bul ótken jyldyń sáıkes kezeńimen salystyrǵanda 8,2% joǵary. Taraptar aldaǵy 3-4 jylda ekijaqty saýda aınalymyn 2 mlrd. dollarǵa deıin ulǵaıtýdy kózdep otyr.
Qazaqstan negizinen Tájikstanǵa astyq, un, kúnbaǵys maıy, qurylys jáne lak-boıaý materıaldary, munaı gazdary men gaz tárizdi kómirsýtekterin, munaı men munaı ónimderin eksporttaıdy. Tájikstan bolsa - kókónis, jemis, ken ónimderi jáne qorǵasyn, myrysh, mys konsentrattaryn.
Tájik kompanııalarynyń «KazakhExport» qazaqstandyq eksporttyq saqtandyrý kompanııasymen ózara árekettesýiniń arqasynda temirjol ónimderin, metall ónimderin jetkizýdegi tıimdi yntymaqtastyq, avtobýs taksoparktardyń jańartylýy, Dýshanbeni energııamen jabdyqtaý ınfraqurylymy jańartylýda. Aǵymdaǵy jyldyń 20 mamyrynda Tájikstan astanasynda osy qazaqstandyq kompanııanyń keńsesin ashý josparlanyp otyr.
Kólik jáne tranzıttik áleýetti damytýda yntymaqtastyq úshin úlken áleýet bar. Eki memlekettiń aýmaǵynda taýarlardy tasymaldaý úshin ıkemdi tarıftik saıasatty júrgizýdi jalǵastyrý usynyldy. Qazaqstan Tájikstanǵa KazSat spýtnıkteri arqyly jáne tájik-aýǵan shekarasynyń qaýipti aımaqtaryn ǵaryshtyq baqylaý arqyly spýtnıktik baılanys qyzmetterin usyndy.
Búgingi tańda ekijaqty yntymaqtastyqtyń quqyqtyq bazasy yntymaqtastyqtyń barlyq salalaryn qamtıtyn 80-den astam qujattan turady.
