Aımaqtar • 20 Mamyr, 2019

Mańǵystaýda memlekettik qyzmetkerler arasynda voleıboldan jarys ótti

1030 ret

kórsetildi

1 mın

oqý úshin

«Mańǵystaý-arena» sport kesheninde QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti men Aqtaý qalalyq dene shynyqtyrý, sport jáne týrızm bóliminiń uıymdastyrýymen ákimshilik memlekettik qyzmetkerler arasynda voleıboldan jarys ótti.

Gúlaıym DÁÝITBAI

Mańǵystaýda memlekettik qyzmetkerler arasynda voleıboldan jarys ótti

Oblystyq birinshilik kýbogine erler komandasynan quralǵan 11 komanda qatysyp, baq synasty.

Saıys qorytyndysy boıynsha birinshi orynnyń tuǵyryna sýdıalar men sot qyzmetkerlerinen quralǵan Mańǵystaý oblystyq soty qol jetkizdi. Ekinshi jáne úshinshi oryndardy Mańǵystaý oblysy boıynsha kirister departamenti men Qaraqııa aýdandyq ákimdiginiń komandasy ózara bólisti. Jeńiske jetken komandalar arnaıy dıplommen, kýboktarmen marapattaldy. Ár toptyq quramada sheber oıyn kórsetip, oq boıy oza shapqan birneshe oıynshylar iriktelip, respýblıkalyq jarysqa joldama aldy. Olar memlekettik qyzmetshiler kúnine oraı Pavlodar qalasynda ótetin respýblıkalyq jarysta birigip, bir komandada Mańǵystaýdyń namysyn qorǵaıdy.

Mańǵystaý oblysy