Saıasat • 21 Mamyr, 2019

Asqar Mamın AEA men IA damytýdy júıeleýdi tapsyrdy

852 ret kórsetildi

Qazaqstan Premer-Mınıstri Asqar Mamınniń tóraǵalyǵymen ótken QR Úkimetiniń otyrysynda arnaıy ekonomıkalyq jáne ındýstrııalyq aımaqtardy damytý máselesi qaraldy. Indýstrııa jáne ınfraqurylymdyq damý, Energetıka mınıstrlikteriniń, «Samuryq-Qazyna» UÁQ» AQ jáne óńirlerdiń ákimderiniń baıandamalary tyńdaldy. Bul týraly Úkimettiń baspasóz qyzmeti habarlady.

«Daıyn ınfraqurylymy men túrli jeńildikteri bar arnaıy ekonomıkalyq jáne ındýstrııalyq aımaqtar – jeke ınvestısııalar tartýǵa arnalǵan jaqsy alań», — dedi Asqar Mamın. 

Búgingi tańda 12 arnaıy ekonomıkalyq aımaq aýmaǵynda 910 mlrd teńge ınvestısııalar kólemimen 183 joba iske asyrylǵan, al 24 ındýstrııalyq aımaqta 168 jobany iske asyrý aıasynda 183 mlrd teńge ınvestısııalar salyndy, 8,5 myń jumys orny quryldy. 1 trln-nan astam teńge jeke ınvestısııalardan tartyldy, olardyń ishinde kapıtaldyń tórtten biri — sheteldik kompanııalardyń qatysýymen. 2021 jylǵa deıin AEA men IA aýmaqtarynda 11,5 myń jumys ornyn qurýmen 2,5 trln-nan astam teńgege 318 jobany iske qosý kózdelgen.

Arnaıy ekonomıkalyq jáne ındýstrııalyq aımaqtardy basqarýda Nur-Sultan, Shymkent qalalary, Almaty jáne Pavlodar oblystary ákimdikteriniń oń tájirıbesi belgilengen. Máselen, «Ońtústik» AEA 1 bıýdjettik teńgege 15,5 teńge jeke ınvestısııa tartylǵan. О́z kezeginde, «Ońtústik» IA aýmaǵy tolyqtaı ıgerilgen: 38,6 mlrd teńgege 55 joba iske qosylǵan. «Pavlodar» AEA-da 1 bıýdjettik teńgege 12 teńgeden astam ınvestısııa tartyldy. «Astana – jańa qala» AEA-da búkil jumys istegen óndiristiń kólemi 1,4 trln teńgeden astam bolyp otyr. 2018 jyly «Qorǵas–Shyǵys qaqpasy» AEA-da 9,3 mlrd teńgeden astam jeke ınvestısııalar ıgerildi.

QR Úkimetiniń basshysy atap ótkendeı, júıeli negizde jańa jobalar men ınvestısııalardy tartý jumystaryn júrgizip, jumys oryndaryn qurý qajet. Bul úshin óńirlerge AEA men IA-ǵa tabysty halyqaralyq tájirıbeleri bar kásiptik basqarýshy kompanııalardy tartý qajet. 

Premer-Mınıstr aımaqtardy basqarý men jumys tıimdiligin arttyrý maqsatynda sátti jáne perspektıvalyq aımaqtardy basymdyqpen qarjylandyrý boıynsha krıterıılerdi ázirleýdi tapsyrdy. О́z kezeginde, óńirlerdiń ákimdikteri AEA-ǵa jobalardy qosý kezinde joǵary qosylǵan quny men eksportqa baǵdarlanǵan óndiristerge basa nazar aýdarý qajet.

Jańa zańnama boıynsha ınvestorlar men basqarýshy kompanııalar úshin rásimder jeńildetildi. QR Úkimetiniń basshysy atap ótkendeı, jeke ınvestısııalar aǵymyn odan ári qamtamasyz etý úshin jumysty «bir tereze» qaǵıdasy boıynsha uıymdastyrý kerek.

Máseleni qaraýdy qorytndylaı otyryp, QR Premer-Mınıstri úshjyldyq merzimge jekelegen AEA jáne IA damytý strategııalaryn ázirleýdi tapsyrdy.

«Arnaıy ekonomıkalyq jáne ındýstrııalyq aımaqtar óńirler ekonomıkasynyń ósý negizine aınalýy kerek, — dep atap aıtty Askar Mamın. — Bul úshin naqty úılestirilgen jumys pen sapaly jobalar qajet».



Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar