Saıasat • 21 Mamyr, 2019

Asqar Mamın Qazaqstanda 5G engizý máseleleri týraly keńes ótkizdi

789 ret kórsetildi

QR Premer-Mınıstri Asqar Mamın Qazaqstanda «besinshi býyn» baılanys jelisin engizý máseleleri týraly keńes ótkizdi. Bul týraly Úkimettiń baspasóz qyzmeti habarlady.

Keńes barysynda sıfrlyq ekonomıka men zattar ınternetin damytý úshin múmkindikterdi keńeıtýge jańa tehnologııany engizýdiń yqpaly talqylandy (IoT).

QR Úkimetiniń basshysy beriletin derekterdiń aǵymynyń jyldamdyǵy men ótkizgishtik qabiletin arttyrý TKSh, aýyl sharýashylyǵy, ónerkásip, densaýlyq saqtaý salalarynda jobalardy iske asyrýda telemedısınany damytý, Smart City komponentterin engizý, halyqtyń qaýipsizdigin qamtamasyz etý boıynsha jumystardyń tıimdiligin arttyrý, t.b. turǵysynan salmaqty serpin beretinin baıandady.

QR Sıfrlyq damý, qorǵanys jáne aeroǵarysh ónerkásibi mınıstrliginiń málimetterinshe, Qazaqstan AQSh, Ońtústik Koreıa, Shveısarııa, Estonııa elderimen qatar jańa jelini engizýdi pılottaýǵa kóshken álem elderiniń ondyǵyna kiredi.

El aýmaǵyn 5G qamtý úshin ınfraqurylym jasaý boıynsha jumystar aıasynda osy jyldyń sońyna deıin Nur-Sultan, Almaty, Shymkent qalalarynda pılottyq jobany iske asyrý josparlanǵan. Jalpy, 5G baılanys jelisimen adamdar sany 50 myńnan asatyn barlyq eldi meken qamtylady dep kútilýde.

Talqylaý qorytyndysy boıynsha QR Premer-Mınıstri Asqar Mamın Qazaqstanda 5G engizý boıynsha Sharalar josparyn ázirleýdi tapsyrdy.

Keńeske QR Sıfrlyq damý, qorǵanys jáne aeroǵarysh ónerkásibi mınıstri A. Jumaǵalıev, QR Indýstrııa jáne ınfraqurylymdyq damý mınıstri R. Sklıar, «Qazaqtelekom» AQ Basqarma tóraǵasy Q. Esekeev jáne t.b. qatysty.

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar