Qazaqstan tarapynan Syrtqy ister mınıstriniń orynbasary Roman Vasılenko, nemis tarapynan Federaldyq úkimettiń qonys aýdarýshylar jáne az ult isteri jónindegi ókiletti ýákili Bernd Fabrısıýs tóraǵalyq etti.
Qazaqstandyq dıplomat Qazaqstandaǵy 200 myńdaı adam quraıtyn nemis dıasporasynyń jáne GFR-daǵy 900 myń burynǵy otandastardyń eki el arasyndaǵy «jandy kópir» quraıtynyn jáne Qazaqstan-Germanııa qarym-qatynastarynyń perspektıvaly damýynyń kepili ekenin aıtty.
Kezdesý barysynda Komıssııa Qazaqstan Respýblıkasyndaǵy nemis qoǵamdastyǵynyń mádenıet jáne bilim berý salalarynan bastap, sonyń ishinde eldiń mektepteri men joǵary oqý oryndarynda nemis tilin keńinen zertteýdi qamtamasyz etý, kásipkerlik qyzmetke jaǵdaı jasaýǵa deıin birqatar máselelerdi qarady. Taraptar Qazaqstannyń nemis ulty azamattarynyń elimizdegi negizgi turǵylyqty jeri retinde saqtalýynyń mańyzdylyǵy týraly jalpy túsinikke ıe.
B. Fabrısıýs Qazaqstandaǵy etnıkaaralyq, mádenıet jáne konfessııaaralyq túsinistik pen toleranttylyq saıasatyn júıeli jáne maqsatty túrde júrgizýdegi qazaqstandyq tájirıbeniń biregeıligin atap ótti. «Qazaqstan – túrli ulttar beıbit ómir súretin kópultty memleket. Bul Qazaqstannyń Tuńǵysh Prezıdenti – Elbasy Nursultan Nazarbaevtyń úlken eńbegi», - dep tujyrymdady nemis saıasatkeri. Sonymen qatar, ol nemis dıasporasyna qoldaý kórsetip jatqan Qazaqstan halqy Assambleıasyna óziniń rızashylyǵyn bildirdi.
О́z kezeginde «Vozrojdenıe» qazaqstandyq nemister qaýymdastyǵy» qoǵamdyq qorynyń Qamqorshylar keńesiniń Tóraǵasy, QR Parlamenti Májilisiniń depýtaty Albert Raý 2018 jylǵy Komıssııanyń otyrysynda qol jetkizilgen ýaǵdalastyqtardyń iske asyrylýy barysy týraly habarlady.
2018 jyly qazaqstandyq nemisterdiń múddelerinde jastar, etnomádenı, tildik, bilim berý, áleýmettik salalarynda 14 oblys pen respýblıkalyq mańyzy bar 3 qalalarda 675-ke jýyq jobalar uıymdastyrylyp, ótkizildi. 173 mektepterde 11 myńnan astamoqýshylar nemis tilin shet tili retinde oqıdy. Ol Qazaqstan nemisteriniń ulttyq biregeıligin saqtaýdyń negizgi máseleleriniń biri nemis tiliniń damýyn erekshe atap ótti.
Otyrystyń mańyzdy máseleleriniń biri Qazaqstan azamattary úshin vıza tártibiniń jeńildetýi boldy. 2017 jyldyń qańtarynan bastap Qazaqstan 45 memleket, sonyń ishinde Germanııanyń azamattary úshin vıza tártibin birjaqty alyp tastaǵany aıtyldy. Bul qonys aýdarýshylarǵa Qazaqstandaǵy jaqyndary men týǵan-týystaryna jıi kelip turýǵa múmkindik beredi. Osyǵan baılanysty nemis áriptesterge Qazaqstan azamattaryna vıza berý tártibin jeńildetý múmkindigin qarastyrý týraly ótinish bildirildi.
Qatysýshylar eki eldiń ekonomıka jáne dýaldy bilim berý salalaryndaǵy yntymaqtastyǵyn talqylady. Qazaqstandaǵy nemis dıasporasy belsendi túrde qatysatyn ekonomıkanyń agrarlyq sektoryndaǵy yntymaqtastyqtyń joǵary áleýeti atap ótildi.
Is-shara qorytyndysy boıynsha Qazaqstandaǵy etnıkalyq nemisterge qoldaý kórsetý boıynsha is-sharalar men jobalardy kózdeıtin birlesken Kommıýnıkege qol qoıyldy. Komıssııa 1996 jylǵy mamyr aıynda qol qoıǵan eki el arasyndaǵy Qazaqstan Respýblıkasynyń nemis ulty azamattaryna qoldaý kórsetý yntymaqtastyǵy boıynsha Kelisimine sáıkes quryldy.
