Elbasymyz Nursultan Ábishuly Nazarbaev óziniń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda «Jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek» dep jastardy qoldap, osy jyldy Jastar jyly dep jarııalaýdy usynǵan bolatyn.
«Qazaqtaný» jobasy aıasynda jas kóshbasshylardyń artyna ergen jastarǵa aıtar qundy qazynasy bar degen oımen Mańǵystaý oblysy Qazaqstan halqy Assambleıasy óńirlik zııaly qaýymmen «Meniń jetistigim – meniń elimniń jetistigi» taqyrybynda kezdesý ótkizdi.
Bul sharaǵa Munaıly aýdany Basqudyq aýyldyq okrýginiń ákimi О́ser Tlepov, «Vaınah» chechen jáne ıngýsh etnomádenı birlestiginiń ókili, «Emır-Oıl» JShS basqarmasynyń basshysy Djamalaıl Elımhanov, «Jańǵyrý joly» óńirlik shtabynyń belsendi múshesi Ardak Gazıbekova, «Bastaý» bıznes jobasynyń bıznes treneri Raıhan Bekbergenova jáne ózge de belsendi jastar qatysty.
Kezdesý aıasynda qatysýshylar talqyǵa salynyp otyrǵan taqyryp tóńireginde bir-birimen pikir almasyp, baǵyt boıynsha bolashaqta nátıjeli izdenister jasap, óz jumystarynyń alǵa qaraı damýyna jemisti úles qosamyz dep senim bildirdi.
Kezdesýde memlekettiń nyǵaıýyna, ult ulylyǵynyń qaıta jańǵyryp, gúldenýine, damýyna Qazaqstannyń árbir jas azamaty múddeli degen máseleler qozǵaldy.
