Byltyr arnaıy ekonomıkalyq aımaqqa tartylǵan ınvestısııa kólemi 6,6 mlrd teńgeni qurady, onyń ishinde 3,9 mlrd teńgesi sheteldik ınvestorlarǵa tıesili. Búgingi kúni jalpy ınvestısııa kólemi 98,5 mlrd teńgeni, onyń 60,5 mlrd teńgegesin sheteldik ınvestısııalar qurap otyr.
Sonymen qatar, óńirde 27 qatysýshy tirkelip, jalpy somasy 93,4 mlrd teńgege 17 joba júzege asyrylǵan.
Bıyl oblysta 364 jumys ornyn qurýmen jalpy somasy 12 mlrd teńge bolatyn 6 jobany júzege asyrý josparlanyp otyr, olardyń ishinde: bolat buıymdaryn, bıtým emýlsııasy negizinde sý ótkizbeıtin materıaldardy, jumsaq ydystyq konteınerlerdi, transformatorlar men kabelderdi óndirý jáne polımerli oraý óndirisi boıynsha birneshe óndiris oshaǵy bar.
2020-2021 jyldarǵa arnalǵan jospar boıynsha oblysta jalpy somasy 70,3 mlrd teńge bolatyn 365 jumys ornyn qurýmen 3 joba júzege asyrylmaq.
