О́ńirde «Amanat» saılaýǵa baqylaý júrgizý jónindegi azamattyq platformasynyń buqaralyq aqparat quraldary ókilderine arnalǵan baspasóz-konferensııasy ótti. Jıynda «Amanat» azamattyq platformasynyń múshesi, mobıldik kapıtany Arman Eshmuratov uıymnyń qyzmeti men maqsaty jóninde tolyq aqparattar berip, saılaýshylardyń mindetteri men talaptary jóninde túsindirdi. Barlyq baǵyttar boıynsha halyqaralyq uıymdar, OSK, jergilikti saılaý komıssııalary, Joǵarǵy Sot, jergilikti atqarýshy organdar, Bas prokýratýra, kandıdattardyń saılaýaldy shtab-páteri, BAQ, ǵylymı-sarapshylyq qaýymdastyq jáne azamattyq sektordyń ókilderimen yntymaqtastyq jasalǵan. Saılaý kezinde qandaı da bir zań buzýshylyqtar tirkelse qaıda habarlasýǵa bolatyny jóninde de keńester berildi. Jalpy, qoǵamdyq platformasynyń jumysy 5 baǵyt boıynsha júrgiziledi. Teńdik baǵyty qoǵamdyq baqylaýǵa daıyndyq júrgizý kezeńi bolyp tabylady. Sanaly tańdaý - bul mańyzdy kezeńniń biri. Saılaýshylarǵa saılaý naýqany jóninde aqparattardy berý men olardyń zańdy quqyqtaryn túsindirýge baǵyttalǵan. Ádildik baǵytyndaǵy maqsat - saılaý ýchaskeleriniń jumysyn áleýmettik jeli arqyly sapasyn kóterý, baqylaý, al kelisim baǵytynda aqparattardyń barynsha ashyq ári obektıvti bolýyn jáne azamattar, jýrnalıster, sarapshylar pikirin tyńdaý sharttary qarastyrylǵan bolsa, senim baǵytynda qoǵam men memlekettik organdar yntymaqtastyǵyn teńestirý kózdelgen.
Konferensııa sońynda qatysýshylarǵa sertıfıkattar men «Saılaýshylar bloknoty» tabys etildi.
Mańǵystaý oblysy
