«Báıterek» 13 myń jobany sýbsıdııalady - A. Áriphanov

«Báıterek» holdıngi úshin shaǵyn jáne orta bıznesti qoldaý — onyń jumysynyń basty baǵyttarynyń biri. Ol úshin enshiles uıym —  «Damý» kásipkerlikti damytý qory jumys isteıdi, qor naryqqa 25 jyl buryn shyqqan.

«Báıterek» UBH» AQ basqarma tóraǵasy A. Áriphanov atap ótkendeı, memlekettik baǵdarlama aıasynda shaǵyn jáne orta bıznes sýbektileri kepildik qamtamasyz etý jetpegen jaǵdaıda nesıeler boıynsha sýbsıdııalaý jáne kepildendirý túrinde qoldaý ala alady.

«Biz shaǵyn/mono qalalardaǵy jáne aýyldyq jerlerdegi ekonomıkanyń basymdyqty salalaryndaǵy bıznesti, sondaı-aq eksporttyq áleýetti, jaqyn jáne alys shetelderdiń naryǵyna shyǵatyn bizdiń eksportshylardy qoldaımyz. Bul baǵdarlama iske qosylǵan ýaqyttan beri 13 myń joba sýbsıdııalanyp, 5 myń joba kepildendirildi (2010 j. beri)», — dedi A. Áriphanov.

«Báıterek» UBH» AQ basqarma tóraǵasy holdıngtiń baǵdarlamalardy iske asyrý boıynsha oblystardyń ákimdikterimen belsendi yntymaqtastyq ornatqanyn atap ótti. Kásipkerlerge mundaı qoldaý kórsetý Qazaqstan ekonomıkasyna aýqymdy oń áserin tıgizedi. «BJK-2020» baǵdarlamasy iske asyrylǵan jyldary baǵdarlama qatysýshylary 900 mlrd salyq tólegen, 13,5 trln teńgege jýyq somaǵa ónim shyǵarý qamtamasyz etildi. Ony iske asyrýdyń arqasynda 90 myńnan astam jumys oryndary qurylyp, 312 myńǵa jýyq qazir bar bos oryndarǵa qoldaý bildirildi.

Sonymen qatar, «Damý» qorynyń jelisi boıynsha 18 kásipkerlerge qyzmet kórsetý ortalyǵy jáne Qazaqstannyń 14 oblysynda Kásipkerlikti qoldaýdyń mobıldik ortalyqtary jumys isteıdi. Kásipkerler úshin «bir tereze» qaǵıdaty boıynsha barynsha qolaıly jaǵdaılar jasalǵan. Ortalyqtyń operasııa zaldarynda túrli baǵyttar boıynsha keńesshiler, servıstik kompanııalar qyzmetkerleri, «Atameken» UKP qyzmetkerleri, ekinshi deńgeıli bankter men «Damý» qorynyń ókilderi jumys isteıdi.

«2013 jyly Kásipkerlerge qyzmet kórsetý ortalyqtary ashylǵannan beri olardyń bazasynda 349 myńnan astam klıentke qyzmet kórsetilip, olarǵa 545 myń keńes berildi. 2018 jyldan bastap Qordyń KQKO bazasynda menedjerler kásipkerlerdiń jobalaryna olardyń ótinimderin ekinshi deńgeıli bankter maquldaǵanǵa deıin qoldaý kórsetý qyzmetterin usynady», — dedi A. Áriphanov.

2018 jyldan bastap 2019 jyldyń 1 mamyryndaǵy jaǵdaı boıynsha Kásipkerlerge qyzmet kórsetý ortalyǵy bazasynda 7,7 jobaǵa qoldaý kórsetildi.

Sonymen qatar A. Áriphanov QR Tuńǵysh Prezıdenti - Elbasy N. Nazarbaevtyń tapsyrmasy boıynsha «Bıznestiń jol kartasy- 2020» baǵdarlamasy taǵy bes jylǵa sozylatynyn aıtty. Aınalymdaǵy qarjylardy tolyqtyrýǵa sýbsıdııalaý jáne kepildendirý boıynsha nesıeler kólemin 60 mln teńgeden 360 mln teńgege deıin arttyrý josparlanǵan. Nesıe maqsattarynyń tizimi keńeıtiledi - endi qazaqstandyq jáne sheteldik franchaızıngti paıdalanýmen óziniń bıznesin bastaıtyn nemese jumys istep turǵan bıznesiniń jańa baǵyttaryn damytatyn kásipkerlerge qoldaý kórsetiletin bolady. Baǵdarlamaǵa qatysýshy operatorlar arttyrylady, olarǵa shaǵyn qarjylyq uıymdar qosylady.

Budan ózge, holdıng «QazTech Ventures» AQ enshiles uıymy arqyly bıznes-ınkýbasııalaý júıesin damytady. Kompanııa syrtqy sarapshylardy tartýmen, jobalardy kommersııalandyrý máseleleri boıynsha ınkýbatordardyń jumysyna konsýltasııalyq qoldaý kórsetedi, sonymen qatar bıznes-ınkýbatorlar rezıdentterine jobalardy granttyq qoldaýǵa ıe bolýda yqpal etetin bolady. 2019 jyly keminde 3 bıznes-ınkýbatordy qoldaý josparlanǵan.