Saıasat • 22 Mamyr, 2019

Qazaqstan Bishkekte ShYU Syrtqy ister mınıstrleri keńesine qatysty

695 ret kórsetildi

Qazaqstan Respýblıkasynyń Syrtqy ister mınıstri Beıbit Atamqulov bastaǵan Qazaqstan delegasııasy Shanhaı yntymaqtastyq uıymyna múshe memleketterdiń Syrtqy ister mınıstrleri keńesiniń (ShYU SIMK) jyl saıynǵy otyrysyna qatysty. Bul týraly mınıstrliktiń baspasóz qyzmeti habarlady.

Is-shara barysynda ShYU elderi syrtqy saıası vedomstvolarynyń basshylary halyqaralyq jáne óńirlik kún tártibindegi ózekti máseleler boıynsha syndarly pikir almasyp, ShYU-nyń saıası, ekonomıkalyq jáne gýmanıtarlyq salalardaǵy qyzmetin odan ári damytýdyń birinshi kezektegi mindetterin, sondaı-aq ShYU-nyń halyqaralyq jáne óńirlik birlestiktermen baılanysyn damytý máselelerin talqylady.

Qazaqstan, Úndistan, Qytaı, Qyrǵyzstan, Pákistan, Reseı, Tájikstan jáne О́zbekstan Syrtqy ister mınıstrleri 2019 jylǵy 14 maýsymda Bishkekte ShYU-ǵa múshe memleketter basshylary keńesiniń otyrysyna daıyndyq barysyn, Bishkek deklarasııasy men Sammıt qorytyndysy boıynsha Aqparattyq habarlama jobalaryn, sondaı-aq, Uıymnyń aǵymdaǵy qyzmeti boıynsha basqa da birqatar sheshimdi qarap, maquldady.

Otyrysqa qatysýshylar uıymǵa múshe memleketter arasyndaǵy ózara túsinistikti, senimdi dıalogty jáne teń quqyqty áriptestikti nyǵaıtýdyń berik platformasy retinde ShYU-nyń údemeli damýyn atap ótti. ShYU aımaǵynyń turaqty damýyn qamtamasyz etý, turaqtylyq pen qaýipsizdik qaterleriniń aldyn alýda múshe memleketterdiń ózara is-qımylyn keńeıtý jáne tereńdetý umtylysy atap ótildi.

Otyrys barysynda qatysýshylar terrorızmniń barlyq nysandary men kórinisterin batyl aıyptap, BUU-nyń ortalyq úılestirýshi rólinde biryńǵaı jahandyq lańkestikke qarsy maıdan qurýǵa shaqyrdy. Bul turǵyda terrorızmnen erkin beıbitshilikke qol jetkizý úshin 2018 jylǵy qyrkúıekte Qazaqstannyń bastamasy boıynsha BUU-da qabyldanǵan Minez-qulyq kodeksiniń erejelerin dáıekti iske asyrýdyń mańyzdylyǵy atap ótildi.

Sonymen qatar jahandyq ekonomıkalyq basqarý arhıtektýrasyn jetildirý, saýda-ekonomıkalyq jáne ınvestısııalyq yntymaqtastyqty damytý maqsatynda kúsh-jigerdi arttyrý qajettigi rastaldy.

QR Syrtqy ister mınıstri óz sózinde halyqaralyq terrorızmge, esirtkiniń zańsyz aınalymyna qarsy kúres, óńirlik janjaldardy retteý, sonyń ishinde Sırııa men Taıaý Shyǵystaǵy negizgi ózekti máseleler boıynsha elimizdiń ustanymyn atap ótti.

QR SIM basshysy is-sharaǵa qatysýshylardy Qazaqstannyń Tuńǵysh Prezıdenti - Elbasy Nursultan Nazarbaevtyń halyqaralyq bastamalarymen, sonyń ishinde iri óńirlik qurylymdar - EAEO, Eýropa odaǵy, ShYU jáne ASEAN arasyndaǵy júıeli ekonomıkalyq dıalogty jolǵa qoıý qajettiligi týraly tanystyrdy.

ShYU sheńberinde ekonomıkalyq yntymaqtastyqty odan ári damytý jóninde pikir almasý turǵysynda taraptar qazaqstandyq bastamalardy iske asyrý týraly – múshe memleketterdiń ózara esepterindegi ulttyq valıýtalardyń úlesin arttyrý, «Astana» Halyqaralyq qarjy ortalyǵynyń áleýetin paıdalaný jáne uıymnyń sandyq alańyn qurý týraly aqparat usynyldy.

Qazaqstan halyqtarymyzdyń beıbitshiligin, turaqtylyǵy men ál-aýqatyn nyǵaıtý jolyndaǵy yntymaqtastyqtyń barlyq baǵyttary boıynsha belsendi jumysty jalǵastyrý nıetin rastady.

Otyrystyń qatysýshylary Qyrǵyz Respýblıkasynyń ShYU SIMK otyrysyn daıyndaý boıynsha atqarǵan jumysyna joǵary baǵa berdi.

Otyrys qorytyndysy boıynsha ShYU syrtqy ister mınıstrleriniń aqparattyq habarlamasy qabyldandy.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar