Dodaǵa Qazaqstan, Reseı jáne О́zbekstannan 500-ge jýyq sportshy qatysty. Elordalyq komanda sapynda barlyq múgedektik túri boıynsha ártúrli jastaǵy para-karateshiler kúsh synasty. Erejege sáıkes, jekpe-jekterge tek densaýlyǵy boıynsha shekteý qoıylmaǵan qatysýshylar ǵana jiberildi.
Shara uıymdastyrýshylary – Nur-Sultan qalasynyń Mádenıet jáne sport basqarmasy, WKF karate-do jáne dástúrli jaýyngerlik óner federasııasy men «Asyl Bala» qaýymdastyǵy. Týrnırge para-karateden Álem chempıony, RF Balalar quqyǵy jónindegi qoǵamdyq palatasynyń múshesi, protezben 42 shaqyrym júgirgen marafonshy Sergeı Býrlakov qonaq retinde shaqyryldy. Tanymal sportshy óz ónerin kórsetip, elordalyq múgedektigi bar balalarǵa arnalǵan balalar-jasóspirimder sport mektebiniń sportshysy Ásııa Tursynovaǵa «Jeńiske degen jigeri úshin» arnaıy syılyqty tabystady.
