Is-shara qarsańynda qala turǵyndary men jastary úshin belgili sarapshylar men jattyqtyrýshylardyń sheberlik sabaqtary men trenıngteri ótti. Vorkshoptarda «Dızaın-oılaý», «Ýnıversıtetten keıingi kásipkerlik – 10 qatelik», «Kásipkerlik negizderi: nólden birge deıin» jáne t.b. trend taqyryptary baıandaldy.
Forýmǵa, sonymen qatar «Nazarbaev Zııatkerlik mektepteri» basqarmasynyń tóraǵasy Svetlana Esbosynova, kásipkerlik jáne tartylǵan ýnıversıtetterdiń akkredıtasııalyq keńesiniń negizin qalaýshy jáne tóraǵasy, University Industry Innovation Network negizin qalaýshy Dr. Thorsten Kliewe, IGlobal Ýnıversıtetiniń Prezıdenti Dr David Sohn, halyqaralyq jáne ulttyq sarapshylar, JOO oqytýshylary jáne taǵy basqalar qatysty.
Forýmdy ashqan Vıse-Premer, búgin de Qazaqstanda Úshinshi jańǵyrtý júzege asyrylyp jatqanyn atap ótti. Onyń maqsaty - shıkizattyq táýeldilikten ınnovasııalyq ekonomıkaǵa kóshý. Osyǵan baılanysty QR Tuńǵysh Prezıdenti – Elbasy N.Á. Nazarbaev: «Barlyq kúsh-jiger eldi bolashaq serpiliske daıyndaýǵa jáne myqty Qazaqstandy qurýǵa baǵyttalǵan», — dep atap ótti.
«Sıfrlyq dáýirge jahandyq kóshý jaǵdaıynda álemdik kásipkerlik bilim berý basty trendke - baǵdarlamalardy daralandyrý men mamandandyrýdy ımplementasııalaýǵa, oqý prosesine ınnovasııalar men Tórtinshi ónerkásiptik revolıýsııanyń tehnologııalaryn keńinen engizýge sáıkes ózgeretin bolady», — dedi G. Ábdiqalyqova.
Elimizde kásipkerlik úshin qajetti jaǵdaılar jasalǵan, bıznes-ınkýbatorlar damyp keledi jáne JOO-da sapaly startaptardyń ósýi úshin múmkindikter bar. Mysaly, Tehnologııalyq damý jónindegi ulttyq agenttik akademııalyq bıznes-ınkýbatorlardy qoldaý baǵdarlamasyn júzege asyrýda. Búgin de osyndaı 20 qurylym (ýnıversıtettik, kommersııalyq alańdar jáne t.b.) jumys isteıdi.
Forýmda ınnovasııalyq ekonomıka úshin kásipkerlik bilimdi jetildirý, memleket, bilim, bıznes jáne azamattyq qoǵam seriktestigin, bilim berý mekemelerinde basqarý komandalaryn damytý jáne t. b. máseleler jan-jaqty talqylandy.
