Mańǵystaýda Polısııa departamentiniń basshysy Q.Taımerdenov bir top jastarmen kezdesti. Kezdesýge Sh.Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń zań fakýltetinde oqıtyn stýdentter men túlekteri keldi. Qaýip-qaterdiń ortasynda júretin polıseılerdiń qyzmetimen tanysýdyń alǵashqy qadamy jastar úshin uıymdastyrylǵan shaǵyn ekskýrsııadan bastaldy. Olar Departamenttiń murajaıyna baryp, mundaǵy eksponattarmen, IIO tarıhymen tanysty. Búkil qalanyń kórinisi aıqyndalyp turǵan Jedel-basqarý ortalyǵyna bardy. Ja Polısııa qyzmetkerleri sportpen shuǵyldanatyn «Dınamo» keshenine barǵan olar qyzmetkerlerdiń atys qarýmen jattyǵatyn orny – tırdi kórip, sporttyq ómirimen tanysty.
Kezdesý barysynda bas polıseı qıyndyǵy mol qyzmettiń qyr-syryn túsindirip, jastardy ishki ister organyna qyzmetke shaqyrdy. Árbir qyzmetkerden temirdeı tártip pen kásibı biliktilikti talap etiletin bul qyzmet eń birinshi eldiń qaýipsizdigin qamtamasyz etip, quqyq buzýshylyq pen qylmystardyń aldyn alý baǵytynda jumys jasaıtyny týraly aıtyp jetkizdi.
Kezdesý barysynda stýdentter Departament basshysyna ózderiniń saýaldaryn qoıyp, tıisti jaýaptaryn aldy.
