Osy úsh jarystyń qorytyndysy boıynsha Gollandııa quramasy eń jaqsy nátıjege qol jetkizip otyr. Qyzǵaldaqtar eliniń ókilderi 5 altyn jáne 1 kúmis medaldi oljalady. Ekinshi orynda – Qytaı. Aspanasty eliniń órenderi 3 altyn, 3 kúmis jáne 4 qolany qorjynǵa saldy. Úshinshi satyǵa Avstralııa tana tiredi. Jasyl qurlyq sportshylarynyń enshisinde 3 altyn jáne 3 kúmis medal bar. Sondaı-aq, «TOP-10» komandanyń qataryna Ulybrıtanııa (3+1+2), Gonkong (2+0+0), Ońtústik Koreıa (1+1+3), Germanııa (1+0+2), Jańa Zelandııa men Ázirbaıjan (1+0+1) jáne Kýba men Taıland (1+0+0) syndy memleketter bar.
Joǵaryda atalǵan sport túrleri arasynan Qazaqstan taekvondodan bir qolma medalǵa qol jetkizdi. Onyń ıegeri – 74 kılo salmaq dárejesinde óner kórsetken Qaırat Sarymsaqov.
Al aldaǵy eki aıda taǵy tórt sport túrinen álem chempıonttarynyń jalaýy jelbireıdi. Olar – jaǵajaı voleıbolynan (28 maýsym-7 shilde, Gambýrg), stend atýdan (30 maýsym – 11 shilde, Lonato), jelkendi sporttan (1-9 shilde, Sakaımınato) jáne sý sport túrlerinen (12-28 shilde, Gvandjý).
