Shyǵys Qazaqstan oblysy Kúrshim aýdandyq ortalyq meshitinde Kım Edýard esimdi káris azamaty 250 adamǵa aýyzashar berdi. Aq dastarhan basynda K. Edýard sóz sóılep: «Adamgershilik qundylyqtar barsha adamzatqa ortaq asyl qasıet. Barlyq adam tek izgiliktiń jarshysy bolýy tıis dep oılamyn. Islamdaǵy ımanı qundylyqtar adam balasyna úlken ónege» deı kele, baýyrmal, qonaqjaı qazaq ultyn syılap, dástúrli ıslamdy qurmettep aýyzashar berip otyrǵandyǵyn jetkizdi. «Ol sonymen qatar dastarhan ústinde ótken tanymdyq saıystyń jeńimpazdaryna syılyqtar tabys etti. Kúrshim aýdanynyń bas ımamy Tileıbek Soıanuly aýyzashar dastarhanyn jaıǵan Kım Borısulyna meshit jamaǵaty atynan alǵys bildirdi. Aýzasharǵa jınalǵan halyqqa tegin taksı qyzmet kórsetti» dep habarlaıdy Shyǵys Qazaqstan oblystyq «Halıfa Altaı» meshitiniń baspasóz qyzmeti.
Shyǵys Qazaqstan oblysy
