Kompanııanyń atqarýshy dırektory Adreas Lınke mundaı joba-josparyn Túrkistan oblysynyń ákimi О́mirzaq Shókeevpen kezdesýde málim etti. Budan bólek Germanııa Federatıvtik Respýblıkasynyń Tótenshe jáne ókiletti elshisi Tılo Klınner bastaǵan delegasııa Túrkistan óńirinde sıfrlandyrý, elektr qýatyn óndirý, jylytý júıesi men týrızm salasynda ınvestısııa salýǵa nıetti ekendikterin bildirdi. Mysaly, «Bosch» kompanııasynyń ókili Vladımır Kolomysyn kompanııa jylytý júıesine qajetti qazandyqtarmen qamtamasyz etip, qalany sýmen qamtý júıesine tolyq súıemeldeý jasaıtynyn jetkizdi. Sondaı-aq, germanııalyq «Petroline» holdınginiń bas dırektory Andreas Shtýmpf óńirdi qoqysty qaıta óńdeý men sý júıesin tazartýǵa arnalǵan jabdyqtarmen qamtamasyz etýge nıetti.
Túrkistanda bas jospar naqtylanyp, búginde qurylys jumystary qarqyn alǵan. Iаǵnı qurylys, sýmen qamtý, jylytý júıesi men jol salasyna kompanııalardyń ınvestısııa salýǵa múmkindigi bar. «Arnaıy ekonomıkalyq aımaqtarda zaýyttaryńyzdy salýǵa bolady. Germanııalyq tehnologııany álem moıyndaıdy, sondyqtan áriptestik ornaıdy dep oılaımyn. Bastysy, jobalar ekologııalyq taza, sapaly, baǵasy qoljetimdi bolýy kerek», – dedi oblys ákimi О́mirzaq Shókeev.
Túrkistan oblysy
