Aımaqtar • 23 Mamyr, 2019

Tılo Klınner: Shymkenttegi iri jobalarǵa nemis kásipkerleri qatysýǵa daıyn

839 ret kórsetildi

Shymkent qalasynyń ákimi Ǵabıdolla Ábdirahymov Germanııa Federatıvti Respýblıkasynyń Qazaqstandaǵy tótenshe jáne ókiletti elshisi Tılo Klınner bastaǵan delegasııamen kezdesti.

Kezdesý barysynda qos tarap ózara yntymaqtastyq tetikteri jaıyn talqylap, ekijaqty qatynastardy damytý týraly pikir almasty. Qala ákimi Germanııany senimdi seriktes ári turaqty ınvestor dep sanaıtynyn, barlyq salada yntymaqtastyq baılanysty damytýǵa yntaly ekenin jetkizdi.

Elshi óz kezeginde Shymkent aýmaǵynda júzege asatyn jobalarǵa nemis kásipkerleri qatysýǵa daıyn ekenin jáne sol arqyly iskerlik yntymaqtastyqty damytýǵa nıetti ekenin bildirdi.

Búgingi tańda Shymkenttegi «Karlskrona LC AB», «AsiaTrafo», «Bal Tekstıl», «AZALA Textile» syndy iri kásiporyndar aldyńǵy qatarly nemis kompanııalarynyń tehnologııalary men jabdyqtaryn qoldanady. Al, «Shymkentsement» AQ «Heidelbergcement» kompanııasynyń qatysýymen sement zaýytyn jańǵyrtý jobasyn júzege asyrdy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar