Aımaqtar • 24 Mamyr, 2019

Mańǵystaýda PD basshysy tikeleı efırde suraqtarǵa jaýap berdi

1020 ret

kórsetildi

1 mın

oqý úshin

Polısııa departamentiniń bastyǵymen kezekti tikeleı efır Instagram jáne Facebook áleýmettik jelileri arqyly ótti. Bul jyl basynan beri polısııa basshysynyń tikeleı baılanysqa tórtinshi ret shyǵýy. Qanat Taımerdenov jeli qoldanýshylardyń suraqtaryna jaýap berip, máseleni sheshý úshin naqty tapsyrmalar berdi dep habarlady Mańǵystaý oblysy PD baspasóz qyzmeti.

Gúlaıym DÁÝITBAI

Mańǵystaýda PD basshysy tikeleı efırde suraqtarǵa jaýap berdi

Tikeleı jeli kezinde kez-kelgen adam óz suraqtaryn WhatsApp jáne áleýmettik jeliler sııaqty baılanys quraldary arqyly jibergen.

Qanat Taımerdenovtyń aıtýynsha, «tikeleı efır» azamattarǵa óz ustanymyn jetkizýge jáne polısııa basshylyǵyna baǵa berýge múmkindik beretin eń qýatty áleýmettik saýalnama bolyp tabylady.

Bul jolǵy efırde 200-den astam kórermen qatysty. Kóptegen adamdar jol qyzmeti jelisi boıynsha, joldarda, qoǵamdyq oryndarda quqyq buzýshylyqtar boıynsha suraqtar qoıdy. Eshqandaı suraq nazardan tys qalmaıdy.

Sondaı-aq, paıdalanýshylar polısııa departamentiniń bastyǵyna oblys turǵyndarymen tyǵyz qarym-qatynas jasap, máselelerdi sheshkeni úshin alǵystaryn bildirdi.

Mańǵystaý oblysy