Aımaqtar • 24 Mamyr, 2019

Taraz qalasynda mıllıoner oqýshy turady

1049 ret kórsetildi

Osydan bes aı buryn Taraz qalalyq «Jambyl-Taraz» gazeti óńirdegi mektep oqýshylarynyń arasynda «Kitap oqyp, mıllıoner bol!» atty baıqaý jarııalaǵan bolatyn.

Baıqaýǵa jalpy sany 48 mektepten 1000-nan asa oqýshy qatysty. Onyń ishinde 44-i qala mektepteri bolyp sanalady. Tizim boıynsha berilgen júz kitapty tolyq oqyp, emtıhan suraqtaryna jaýap bergen oqýshyǵa bir mıllıon teńge júlde ýáde etilgen edi. Baıqaýdy uıymdastyrýǵa Taraz qalalyq bilim bólimi jáne D.Qonaev atyndaǵy balalar men jasóspirimder kitaphanasy atsalysty. Mıllıoner oqýshyny anyqtaý maqsatynda Taraz qalalyq mádenıet úıinde baıqaý qorytyndysy ótti.

Jıynda alǵash bolyp sóz alǵan Taraz qalasynyń ákimi Qaırat Dosaev kitaptyń jas urpaqtyń qalyptasýyna qajetti dúnıe ekenin aıtyp, baıqaýǵa qatysýshy oqyrmandarǵa sáttilik tiledi. Sodan keıin atalǵan baıqaýǵa bas demeýshi bolyp, 3 mıllıon teńge qarajat aýdarǵan «Qazfosfat» JShS Bas dırektory, Qazaqstannyń Eńbek Eri Muqash Eskendirov, jazýshy, Qazaqstannyń Eńbek sińirgen qaıratkeri Nesipbek Dáýtaıuly sóz alyp, bolashaq urpaqtyń bilimdi ári parasatty bolýy úshin kitaptyń áseri mol ekenin jetkizdi. 

Baıqaý nátıjesinde 8-11 synyptar aralyǵy boıynsha B.Momyshuly atyndaǵy №45 qazaq klassıkalyq gımnazııasynyń 9-synyp oqýshysy Kazyna Ábdiseıit I oryndy jeńip alyp, 1 mıllıon teńge júldeni ıelendi. Al, Kerimbaı atyndaǵy №12 mektep gımnazııasynyń 10-synyp oqýshysy Aıgerim Meıirhanova  II oryndy (500 myń teńge),   №7 mektep gımnazııasynyń 11-synyp oqýshysy Galına Býrkına III oryndy (250 myń teńge) ıelendi. Al, 5-7 synyp aralyǵyndaǵy qatysýshylar arasynan I.Panfılov atyndaǵy №39 mektep-gımnazııasynyń 7-synyp oqýshysy Aızere Eren jeńimpaz atanyp, 500 myń teńgege qol jetkizdi. Sondaı-aq, №10 orta mektebiniń 7-synyp oqýshysy Danııar Bekjan men №54 orta mektebiniń 6-synyp oqýshysy  Toǵjan Allabergen II oryndy (150 myń teńgeden) ózara bólisse, №30 mektep gımnazııasynyń 7-synyp oqýshysy Sabına Sýleımen men №31 orta mektebiniń 5-synyp oqýshysy Gıýzal Osmanova III orynǵa (75 myń teńgeden) laıyq dep tabyldy. Al, baıqaýdyń qalalyq deńgeıde ótkenine qaramastan óz qalaýymen 61 kitap oqyǵan respýblıkalyq Nazarbaev zııatkerlik mektebiniń 8-synyp oqýshysy Fatıma Baımahanǵa Jambyl oblystyq bilim basqarmasynyń basshysy Rahııa Turmahanbetova Kókshetaý qalasyndaǵy «Baldáýren» balalar lagerine 20 kúndik joldama tabys etti. Sonymen qatar, oblystyq D.Qonaev atyndaǵy balalar men jasóspirimder kitaphanasynyń dırektory Gúlfaırýz Qaparqyzy jas zııatkerge noýtbýk syılady. Al, oqyǵan kitabynan áserlenip qaıyrymdylyq qoryn ashqan Jambyl atyndaǵy №5 mektep-gımnazııanyń oqýshysy Arýjan Aıǵabylǵa Jambyl oblysy isker áıelder qaýymdastyǵynyń atynan smartfon berildi.

Atalǵan baıqaýdy uıymdastyrýshylar aldaǵy ýaqyttarda baıqaýdyń aýmaǵyn keńeıtip, dástúrli túrde ótkizýdi josparlap otyrǵanyn aıtady. Al, oqýshylar arasynda eń kóp oqylǵan ádebıetter qatarynda M.Áýezovtiń «Kókserek», B.Soqpaqbaevtyń «Meniń atym Qoja», Sh.Murtazanyń «Aı men Aısha», M.Maǵaýınniń «Tazynyń ólimi», A.Ekzıýperıdiń «Kishkentaı hanzada» kitaptary bar.

 

Jambyl oblysy  

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar