Garnızonnyń áskerı qyzmetshileri egde jastaǵy jáne qarııalar ınternat úıin sheftilikke aldy. Olar birneshe jyl boıy ınternat úıine barynsha járdem jáne qoldaý kórsetýde. Munda 120-ǵa jýyq adam turady.
-Jigitter únemi bizge kelip, sharýashylyq boıynsha kómek kórsetedi, qyzmetteri týraly oqıǵalarymen bólisedi. Kezdesýler men konsertter ótkizedi. Jigitterdiń Otanyna qyzmet etip, bizdi de áste umytpaıtyndary qýantarlyq jáıt, dedi UOS ardageri N. Slavov.
«Batys» óńirlik qolbasshylyǵynyń baspasóz qyzmetinen kapıtan Rýstem Igısınovtiń aıtýynsha, qart adamdarǵa qamqorlyq kórsetý mańyzdylyǵyn túsine otyryp, elimizdiń Qarýly Kúshteriniń áskerı qyzmetshileri udaıy negizde ártúrli qaıyrymdylyq is-sharalardy uıymdastyrýǵa tyrysady, balalar úıi men jalpy bilim berý mekemelerine, qarttar úıine, sondaı-aq UOS-tyń ardagerlerine sheftik kómek kórsetedi.
