«Bul uzaq jylǵy kelissózderdiń nátıjesi. Ortalyq Azııa elderi tarıhynda qazaq kınosy tuńǵysh ret aǵylshyn tiline tárjimálandy. Dýblıajǵa amerıkalyq kıno-teatr úıirmeleriniń músheleri qatysty. Olardy tabý nemese kelistirý bizge ońaı bolǵan joq», - deıdi Maıra Qarsaqbaeva bizben áńgimesinde.
Aıta ketý kerek, «Romford film festival» shymyldyǵyn qazaqtyń klassıkalyq kınosymen ashylady. Onyń kórsetilý ýaqyty 6 maýsym kúni jergilikti ýaqytpen saǵat 14-de bastalady. Atalmysh kınofestıvalde qazaqstandyq kınorejısser Ázız Zaıyrovtyń «Qyz ben teńizi» kınosynyń tanystyrylymy bolady. Maıra Qarsaqbaevanyń habarlaýynsha, «Meniń atym Qojanyń» basty keıipkerleri Nurlan Sanjar men Gúlnar Qurabaeva Londonǵa baratyn delegasııa quramyna kirmeı qalǵan. Sebebi «Romford film festival» kompanııasymen jasalǵan kelisimshartta olardyń jol shyǵandary qarastyrylmapty.
Bul Qojanyń alǵashqy sheteldik sapary emes. 2018 jyldyń qazan Berdibek Soqpaqbaevtyń «Meniń atym Qoja» kitaby tuńǵysh ret túrik tiline aýdarylyp, Anadoly jerindegi óz oqyrmandarymen qaýyshqan bolatyn. Dúnıejúziniń 67 tilinde jaryq kórgen shyǵarmany túrik tilinde sóıletken aýdarmashy Jamılá Kynadjy.
ALMATY
