Investısııa jáne kásipkerlikti damytý basqarmasynyń habarlaýynsha, Ortalyq, «Jetisý», «Jeruıyq» jáne «Stýdenttik» saıabaqtarynyń ákimshiligi júrgizgen jumystardyń nátıjesinde jyl basynan 11 úrlemeli batýt jumysy toqtatyldy.
Qazirgi ýaqytta qala ákimdigi saýda, oıyn-saýyq ortalyqtary aýmaǵynda oıyn-saýyqtyq nysandardy ornatýǵa ruqsat bermeıdi.
Kásipkerler saýda ortalyqtarynda jáne basqa da jeke menshik obektilerde batýttardy eki kásipkerlik sýbektisi arasynda jaldaý sharty negizinde ornalastyrady. Sonymen qatar, zańdy tulǵanyń jarǵysynda, atap aıtqanda, saýda ortalyǵynyń ıesi aýmaqty jaldaýdy qamtamasyz etýi tıis.
Sondaı-aq, saıabaq ákimshilikteri kelisimshart boıynsha jel sekýndyna 10 metr jyldamdyqpen soqqanda, aýa-raıynyń turaqtanǵanyna deıin batýttar jáne attraksıondar jumysyn toqtatýy tıis.
«Sonymen qatar, búgingi tańda Indýstrııa jáne jańa tehnologııalar mınıstrliginiń О́nerkásiptik damý jáne ónerkásiptik qaýipsizdik komıteti batýttardyń jáne attraksıondardyń qaýipsizdigin qamtamasyz etý erejesin ázirledi», – dep atap ótti Investısııa jáne kásipkerlikti damytý basqarmasynan.
