«Rallı Qazaqstan 2019» jarysy ekinshi kúniniń marshrýty Senek eldi mekeninen shyǵysqa qaraı shól arqyly aınalma ýchaskeni qamtydy. Arnaıy ýchaske qumdy alqap arqyly ótti, rallı qatysýshylary osy kezeńniń barlyq qıyndyqtaryna tótep bere aldy.
Ekıpajdar tańerteń Kendirli aımaǵyndaǵy bastapqy pozısııaǵa attandy, onda ekinshi jarys kúniniń máresi de ornalasty. Jarystyń favorıti Nasser Saleh Ál-Attııa (Nasser Al Attiyah Team) birden kósh bastap, márege deıin aldyńǵy oryndy saqtap qaldy. Al, ekinshi oryn úshin Nıderlandydan kelgen Bernhard Ten Brınke (Overdrive Racing) jáne Polshadan kelgen Iаkýb Pshıgonskı (Orlen X-raid Team) arasynda qyzý kúres oryn aldy.
Keshegi kezeńde «Dakar» rallıiniń qazirgi jeńimpazy Nasser Ál-Attııa bastapqy kúnniń qorytyndysy boıynsha úzdik nátıje kórsetti. Biraq qorytyndy esepte birinshi oryn Saýd Arabııasynan kelgen Iаzıd Ál-Radjıge (Overdrive Racing) buıyrdy, sebebi Nasser beıtaraptandyrý aımaǵynyń birinde jyldamdyqty arttyrǵany úshin eki mınýttyq penalızasııa aldy, osylaısha ol ekinshi orynǵa kóterildi. Al, birinshi kúnniń úzdigi Ál-Radjı búgin tek besinshi nátıjeni ǵana kórsetti.
Nátıjesinde jarystyń ekinshi kúninde eń qashyq arnaıy ýchaskeni óziniń Toyota Hilux avtokóligimen eń jyldam bolyp katarlyq Nasser Saleh Ál-Attııa (Nasser Al Attiya Team) shtýrmany frasýz Matıo Bomeldiń kómegimen baǵyndyrdy. Ekıpaj qashyqtyqty 3 saǵat 42 mınýt jáne 14 sekýndta ótti.
- Ekinshi arnaıy ýchaskeden tez bolsa da, barynsha uqypty júrip óttik. Alda bizdi taǵy tórt kún jarys kútip tur. Biz jeńis úshin sońyna deıin kúresýdi kózdep otyrmyz. Qumda áli keleńsiz jaǵdaıǵa ushyraı qoımadyq, avtomobıldiń motory barlyq qıyndyqqa tótep berýde. Bizdiń búgingi nátıjege kóńilimiz tolady, dedi Nasser Al Attiyah Team komandasynyń shtýrmany Mate Bomel.
Gollandııalyq shabandoz Bernhard Ten Brınke tájirıbeli shtýrman belgııalyq Tom Kolsýlmen dıstansııany sátti ótti. Onyń ekıpajy Nasserden nebári 2 mınýtqa artta qaldy, endi ekinshi kezeńnen keıin ol jalpy esepte tórtinshi orynǵa kóterildi.
- Búgin biz óte kúrdeli marshrýttan óttik, bizge qumdy jáne tasty ýchaskelerdi eńserýge týra keldi. Bizdiń ekıpajymyz úshin ekinshi kúni bári oıdaǵydaı boldy. Degenmen, bizge jarys kezinde jarylǵan dóńgelekti aýystyrýǵa týra keldi, biraq joǵalǵan ýaqytqa qaramastan, biz ekinshi bolyp márege jetti. Naǵyz shaıqas endi bastalady, dedi Bernard Ten Brınke.
Úshinshi máre syzyǵyn rallı-reıd boıynsha Álem Kýbogynyń qazirgi chempıony Iаkýb Pshıgonskı kesti. Ekinshi oryn úshin kúreste ol Ten Brınkege tek 21 sekýndqa jol berdi. Osyǵan qaramastan, polıak pıloty jalpy esepte ekinshi orynǵa kóterilip, Nasser Ál-Attııadan 4 mınýt jáne 32 sekýndqa artta tur.
- Qazaqstandyq kezeńniń atmosferasy áserli. Jarys deńgeıi tas jolda da, odan tys jerde de óte anaǵurlym ósken. Búgingi kún - osynyń jarqyn mysaly. Tamasha aýa raıy boldy, ystyq emes. Biz Bernhard ten Brınkamen qyzý básekelestik. Mańǵystaý peızajdaryn tamashalap, búgingi saıystan lázzat aldyq. Biz qazir Naserden alys emespiz, dedi jarystan keıin Iаkýb Pshıgonskı.
Fransýz avtoshabandozy Stefan Peteransel (X-raid MINI JCW Team) óziniń jubaıy ári shtýrmany Andrea Peteranselmen óziniń Mini John Cooper Works Rally kóliginde retinde tórtinshi bolyp márege jetti jáne Nasserden 4 mınýt jáne 16 sekýndqa artta qaldy. Ekinshi kezeńnen keıin ol qorytyndy kestede besinshi orynda keledi.
- Búgin bizdiń keshegige qaraǵanda jaǵdaıymyz ońtaılandy. Qıyn jáne jyldam ýchaskelerdi basyp óttik. Meniń shtýrmanym navıgasııany oıdaǵydaı oryndady. Biz alǵa jyljýdamyz, bul, árıne, qýantady, dedi Stefan Peteransel.
Qazaqstandyq dýet Andreı Cherednıkov pen Ignat Falkov segizinshi nátıjeni kórsetti. Bizdiń komanda qashyqtyqty 4 saǵat 36 mınýt jáne 12 sekýndta baǵyndyryp, jalpy esepte 9-shy oryndy saqtap qaldy.
T2 jol talǵamaıtyn kólikter sanatynda «Aktau Motorsport» komandasynyń kapıtany, «Jibek joly 2017» rallı-marafonynyń jeńimpazy Kırıll Chernenkov jarystyń ekinshi kúninde 5 saǵat 29 mınýt jáne 7 sekýnd nátıjesimen jeńiske jetti. Osy sanattaǵy birinshi kúnniń jeńimpazy katarlyq avtoshabandoz Mohhamed Al-Mıır (Mohhamed Nasser Almeer) qazaqstandyq komandadan máre syzyǵyn 16 mınýtqa keshigip kesti.
T3 sanatynda Brazılııadan kelgen avtojarysshy Reınaldo Varelaǵa (MONSTER Energy San-Am) teń keler eshkim bolmady, ol 4 saǵat 59 mınýt jáne 33 sekýnd nátıjesimen márege jetti.
Al, júk kólikteri serııasynda reseılik «Kamaz-master» komandasynyń shabandozy Dmıtrıı Sotnıkov taǵy da jeńis tuǵyrynan kórindi, onyń ekıpajy ekinshi kúnniń qashyqtyǵyn 4 saǵat 17 mınýt jáne 52 sekýndta eńserdi.
29 mamyrda rallıshilerdi úshinshi jarys kúni kútedi, olar 327 shaqyrym arnaıy ýchaskeni júrip ótedi. Baǵyt Kendirliniń shyǵysyna qaraı bet alady. Qum jotalary men tasty joldar arqyly jarys qatysýshylary dóńesti aımaq Ústirttiń boıyndaǵy jyldam trassany basyp ótedi.
Mańǵystaý oblysy
