Kezdesý barysynda ekijaqty ekonomıkalyq seriktestikti tereńdetý máseleleri talqylandy.
– Bizdiń elderimizde ortaq dúnıeler kóp. Qazaq-armıan kompanııalary ártúrli salalarda tyǵyz yntymaqtastyq ornatqan. Eki eldiń saýda-ekonomıkalyq qatynastaryn nyǵaıta túsetin osy baılanystarǵa tyń serpin berýimiz kerek, – dedi Qasym-Jomart Toqaev.
Nıkol Pashınıan túrli saladaǵy Qazaqstan men Armenııanyń ózara yqpaldastyǵy odan ári keńeıe beretinine senim bildirdi.
– Elderimiz arasyndaǵy ekonomıkalyq baılanystar nyǵaıýda, taýar aınalymy artyp keledi. Biraq bul baǵytty damytý úshin áli de óz deńgeıinde paıdalanylmaı jatqan zor áleýetimiz bar. Bizdiń qurylymdarǵa, sonyń ishinde Eýrazııalyq ekonomıkalyq odaq aıasynda tyǵyz is-qımyldar jasaý qajet, – dedi Armenııa Premer-Mınıstri.
