«Qazaqstan Tuńǵysh Prezıdenti-Elbasy Nursultan Ábishuly Nazarbaevtyń saıası kóregendiginiń, strategııalyq kózqarasynyń arqasynda Eýrazııalyq ıntegrasııa ıdeıasy ári qaraı qurlyqtyń ekonomıkalyq jáne geosaıası landshaftyn qaıta qalyptastyrǵan shyndyqqa aınaldy. Sondyqtan N.Nazarbaevtyń Eýrazııalyq ekonomıkalyq odaqtyń qalyptasýyna tarıhı úlesin eskere otyryp, Reseı Federasııasynyń Prezıdenti Vladımır Vladımırovıch Pýtın Nursultan Ábishulyna Joǵary Eýrazııalyq ekonomıkalyq keńestiń Qurmetti tóraǵasy ataǵyn berýdi usyndy» dedi Qasym-Jomart Toqaev.
Budan soń, Qazaqstan Prezıdenti Vladımır Pýtınge jáne barlyq seriktesterge rızashylyǵyn bildirdi.
«Qazaqstan Respýblıkasynyń atynan Reseı Federasııasynyń Prezıdentine jáne barlyq seriktesterimizge biraýyzdan qoldaý kórsetkeni úshin shynaıy rızashylyǵymdy bildirgim keledi» dedi Q.Toqaev.
Aıta keteıik, búgin Nur-Sultan qalasynda Qazaqstan Prezıdenti Qasym-Jomart Toqaevtyń tóraǵalyǵymen Nursultan Nazarbaevtyń eýrazııalyq ıntegrasııa jónindegi ıdeıasynyń 25 jyldyǵyna jəne Eýrazııalyq ekonomıkalyq odaq jónindegi kelisimge qol qoıylýynyń 5 jyldyǵyna oraı Joǵary Eýrazııalyq ekonomıkalyq keńestiń kezekti otyrysy ótip jatyr.
