Saıasat • 29 Mamyr, 2019

EAEO-nyń seriktester aıasy keńeıip keledi - N.Pashınıan

800 ret

kórsetildi

1 mın

oqý úshin

Armenııa Respýblıkasynyń Premer-Mınıstri N.Pashınıan «Men úshin Joǵary Eýrazııalyq ekonomıkalyq keńeske tóraǵalyq etý úlken qurmet. Osy jyly joǵary Eýrazııalyq ekonomıkalyq keńes eki mereıtoıdy atap ótedi jáne bul - óte mańyzdy oqıǵa. EAEO bizdiń elderimizdiń ekonomıkasy men bıznesi úshin barlyq jańa múmkindikterdi asha otyryp, josparly túrde damyp kele jatqanyn atap ótý kerek» dedi Nıkolaı Pashınıan.

Mádına JÁLELQYZY

EAEO-nyń seriktester aıasy keńeıip keledi - N.Pashınıan

Onyń aıtýynsha, Eýrazııalyq ekonomıkalyq odaqtyń halyqaralyq seriktester aıasy da keńeıip keledi.

«Jaqynda Iranmen erkin saýda týraly shart kúshine enedi. QHR-men aqparat almasý týraly sharttarǵa qol qoıyldy. Qazir Vetnammen, Sıngapýrmen, Egıpetpen, Serbııamen qarqyndy kelissózder júrip jatyr. Osy kelissózder bizdiń elderimizdiń ekonomıkasy men bıznesi úshin jańa múmkindikterdi asha otyryp, naqty nátıjelerge alyp keledi dep úmittenemin» dedi ol.

Armenııa Premer-Mınıstri óz sózinde Qazaqstannyń Tuńǵysh Prezıdenti-Elbasy Nursultan Ábishuly Nazarbaevtyń osy ıntegrasııalyq jobany qurýdaǵy aıryqsha rólin atap ótti.

«Osydan 25 jyl buryn Nursultan Ábishuly Eýrazııalyq ıntegrasııa ıdeıasyn usyndy jáne 5 jyl buryn ol iske asyryldy. Armenııa úkimetiniń maqsaty - Eýrazııalyq ekonomıkalyq odaqty odan ári damytý. Ony bizdiń halyqaralyq seriktesterimiz úshin neǵurlym tıimdi jáne tartymdy etý. Búginde bizdiń sheshimimiz damýǵa yqpal etetinine senimdimin» dedi ol.