«Osydan týra bes jyl buryn, 2014 jyldyń 5 mamyrynda osy qalada Eýrazııalyq ekonomıkalyq odaq týraly shartqa qol qoıyldy. Osylaısha, Tuńǵysh Prezıdent-Elbasy Nursultan Ábishuly Nazarbaevtyń óńirlik ıntegrasııalyq birlestikti qurý jónindegi ıdeıasy óziniń ózektiligin, qajettiligin, aýqattylyǵyn dáleldedi jáne shyndyqtyń bir bóligine aınaldy» dedi Qasym-Jomart Toqaev.
Sonymen qatar el Prezıdenti EAEO aıasynda seriktes elder az ýaqyt ishinde bizdiń yntymaqtastyǵymyzdyń barlyq baǵyttary boıynsha áserli nátıjelerge qol jetkizgenin aıtyp ótti.
«Uıymda berik ınstıtýsıonaldyq reforma jasalyp, ózara is-qımyldyń tıimdi formattary ázirlendi. Qazaqstan Eýrazııadaǵy ekonomıkalyq ıntegrasııany teń quqylyq, áriptestik, ózara tıimdilik qaǵıdattary negizinde odan ári jalǵastyrýdy jaqtaıdy. Búgingi otyrys EAEO-ǵa jańa serpin beretinine senimdimin. Bıylǵy jyl Armenııanyń tóraǵalyq etýimen ótedi. Áriptesterimizge tabysty tóraǵalyq tileımin» dedi Memleket basshysy.
Aıta keteıik, búgin Nur-Sultan qalasynda Qazaqstan Prezıdenti Qasym-Jomart Toqaevtyń tóraǵalyǵymen Nursultan Nazarbaevtyń eýrazııalyq ıntegrasııa jónindegi ıdeıasynyń 25 jyldyǵyna jəne Eýrazııalyq ekonomıkalyq odaq jónindegi kelisimge qol qoıylýynyń 5 jyldyǵyna oraı Joǵary Eýrazııalyq ekonomıkalyq keńestiń kezekti otyrysy ótip jatyr.
