Bul kezeńde jeńis tuǵyrynan qaıtadan katarlyq avtoshabandoz Nasser Ál-Attııa kórindi. Ekinshi oryndy gollandııalyq Bernhard Ten Brınke, úshinshi orynǵa polıak pıloty Iаkýb Pshıgonskı kóterildi. Kezeńniń qashyqtyǵy 327 shaqyrymdy qurady.
Bul kúni, ıaǵnı jarystyń úshinshi kúni rallı-reıdtiń qatysýshylary Kenderliden shyǵysqa qaraı aınalma joldan ótti. Qum jotalary men tasty joldar arqyly ekıpajdar Ústirt dóńesti aımaǵynyń boıyndaǵy jyldam qashyqtyqty baǵyndyrdy.
Úzdik ýaqytty Katardan kelgen pılot Nasser Al-Attııa kórsetti, ol qashyqtyqty 3 saǵat 9 mınýt jáne 11 sekýndta basyp ótti. Bul jeńis Ál-Attııa men Mate Bomel dýetine shabandozdardyń jalpy esebinde kóshbasshylyqty nyǵaıtýǵa jáne kestedegi qarsylastary Bernhard Ten Brınke men Iаkýb Pshıgonskıden 12 mınýtqa alshaqtaýǵa múmkindik berdi.
Sarapshylardyń pikirinshe, katarlyqtyń jeńisiniń basty faktory - onyń eseppen júrgizý úlgisi men uıymshyl komandalyq jumys.
- Bul qyzyqqa toly kúndi biz qumdy jotadan bastadyq. Basqa jarysýshylardan alshaqtyqty arttyrý úshin búgin bizge jeńiske jetý óte mańyzdy boldy. Barlyǵy ońaı bolmady, biraq men nátıjemizge kóńilim tolady. Jyldamdyqty kóp arttyrmadym, óıtkeni bul kezeń tehnıkalyq jáne kóptegen navıgasııany talap etti, dedi Nasser Ál-Attııa.
«Dakar» rallıiniń kezeńinde jeńiske jetken Gollandııanyń alǵashqy ókili Bernhard ten Brınke «Rallı Qazaqstan 2019»- da kóshbasshylyqqa jáne degen keremet umtylysyn kórsetýde. Avtojarysshynyń búgingi nátıjesin eskersek, ol jalpy esepte tórtinshi orynnan ekinshi orynǵa kóterildi.
- Men búgin jarysty ekinshi bolyp bastadym, Naserdiń avtokóliginen shyqqan shańdy kórdim. Biraq bizdiń dóńgelegimiz tesildi, ony aýystyrýǵa týra keldi. Sodan keıin biz arnaıy ýchaskedegi qalǵan bóligin sátti ótip, máre syzyǵyn kestik. Men nátıjege rızamyn, biraq alda áli úsh kún saıys kútip tur, dedi fınıshtan keıin Bernhard ten Brınke.
Rallı-reıd boıynsha Álem Kýbogynyń qazirgi chempıony Iаkýb Pshıgonskı úshinshi arnaıy bólimdi tez ári tıimdi ótti. Alaıda, Iаkýb Pshıgonskı men Tımo Gottshalk ekıpajynyń, barlyq kúsh-jigerine qaramastan, olarǵa kóshbasshydan artta qalýdy qysqartý múmkin bolmady.
- Búgin bizde úlken problemalar bolǵan joq. Aldyńǵy dóńgelekti bir ret aýystyrýǵa týra keldi. Biraq, kólik biraz ýaqyt boıy senimsiz júrdi, qazir biz bul jóninde jumys isteýmiz. Erteń biz úshin bári jaqsy bolady dep úmittenemiz, dep atap ótti shtýrman Iаkýb Pshıgonskıdiń shtýrmany Tımo Gottshalk.
Fransýz avtojarysshysy Stefan Peteransel óziniń jubaıy Andrea Peteransel shtýrman retinde búgin tórtinshi bolyp márege jetti, jarys kóshbasshysynan 11 mınýt jáne 21 sekýndqa artta qaldy. Úshinshi kezeńniń qorytyndysy boıynsha tájirıbeli taktıkalyq avtoshabandoz besinshi orynnan tórtinshi orynǵa kóterildi.
- Biz tórtinshi bolyp bastadyq, aldymen qumdy alqapty júrip óttik, sodan keıin óte ádemi tabıǵı landshaftqa keziktik. Jolda biz Iаzıdtiń kóligin kórdik jáne jyldamdyqty tejedik, biraq ol bizge bári jaqsy ekenin túsindi. Kezeń qalǵan bóligi sátti ótti. Jolda dala kóbelekteri kóp eken, biz tipti aldyńǵy áınekti tazalaý úshin toqtadyq. Kún saıyn bizdiń nátıje jaqsaryp keledi, bul qýantady, dedi Andrea Peteransel.
О́tken jylǵy «Rallı Qazaqstan» jarysynyń jeńimpazy Saýd Arabııasynyń shabandozy Iаzıd Ál-Radjıdiń kúni sátsiz boldy. Joǵary jyldamdyqpen ol óziniń Toyota Hilux avtokóligimen tereń jyraǵa túsip, kapot arqyly aýdarylyp tústi. Onyń janynan ótip bara jatqan chehııalyq shabandoz Mıroslav Zapletaldyń ekıpajy Iаzıdke avtokólikti ornyna qoıýǵa kómektesken.
- Biz jarysty besinshi bolyp bastadyq, 30-shy kılometrde aldymen Peteranseldi basyp ozdyq, sodan keıin 60 kılometrdegi belgide Pshıgonskıdi artta qaldyrdyq. Sodan keıin Ten Brınkege jete bergenle, biz sátsizdikke tap boldyq, dedi Ál-Radjı.
Nátıjesinde Ál-Radjı kúnniń 11-shi nátıjesin kórsetip, jalpy esepte 7-orynǵa turaqtady.
Qazaqstandyq dýet Andreı Cherednıkov pen Ignat Falkovtyń dýeti búgin qashyqtyqty 3 saǵat 49 mınýt jáne 53 sekýndta júrip, jetinshi bolyp máre syzyǵyn kesti. Úsh kúnniń qorytyndysy boıynsha "OFF ROAD Kazakhstan" komandasy jalpy esepte segizinshi orynda tur.
Vladımır Vasılev pen Konstantın Jılsovtyń reseılik ekıpajy úshinshi kezeńge qatysqan joq. Keshe komanda tehnıkalyq máselelerge tap boldy. Olardyń Mini John Cooper Works Rally avtokóliginde shar tiregi, dońǵalaq jetegi jáne tejegish júıesi buzylǵan. Uzaq jóndeýden keıin ekıpaj márege jetti, biraq kelesi kúni kúresti jalǵastyrmaýǵa sheshim qabyldady.
T2 jol talǵamaıtyn kólikter klasynda búgin Mohammed Al-Meer jeńiske jetti, onyń ekıpajy ekinshi kúnniń qashyqtyǵyn 4 saǵat 50 mınýt jáne 20 sekýndta eńserdi.
T3 sanatynda Fedor Vorobevtiń ekıpajy jeńiske jetti, ol 4 saǵat 21 mınýt jáne 24 sekýnd nátıjesimen márege jetti. Brazılııanyń avtojarysshysy Reınaldo Varela máre syzyǵyn ekinshi bolyp kesti, biraq bul sanatta jalpy esepte ol kósh bastap tur.
Júk serııasynda úshinshi kún qatarynan reseılik «Kamaz-master» komandasynan Dmıtrıı Sotnıkov jeńisti toılady, onyń ekıpajy qashyqtyqty 3 saǵat 32 mınýt jáne 3 sekýndta júrip ótti. «Dakar» rallıiniń birneshe dúrkin júldegeri reseılik «GAZ Reıd Sport» ekıpajynyń ókilderi Mıhaıl Shklıaev pen Aleksandr Lagýttan jarys kestesinde 4 saǵatqa alda tur.
Jarystyń tórtinshi kúni Kendirli qalasynda qaıta bastaý alady, onda rallı qatysýshylary Jańaózen qalasynyń janyndaǵy aınalma jolǵa attanady jáne Aqtaý mańynda márege jetedi. Arnaıy ýchaskeniń uzyndyǵy 399 kılometrdi quraıdy.
Mańǵystaý oblysy
