Bul jıynda Elbasy Nursultan Nazarbaevtyń strategııalyq suńǵylalyǵyn, qaıratkerlik tulǵasyn oǵan berilgen «Joǵary Eýrazııalyq ekonomıkalyq keńestiń Qurmetti tóraǵasy» ataǵy bıiktete tústi. О́ıtkeni bul – Qazaqstannyń Tuńǵysh Prezıdentiniń eýrazııalyq ıntegrasııa ıdeıasynyń júzege asyrylýyna jumsaǵan kúsh-jigerin Odaqqa múshe memleketter basshylarynyń joǵary baǵalaýy. Maǵan Belarýs Prezıdenti Aleksandr Lýkashenkonyń bildirgen pikiri qatty unady. Ol Elbasynyń osy kúnge deıin jınaǵan baı tájirıbesi men bolashaqty baǵdarlaı biletin kóregendik qasıetin Odaqtyń ortaq múddesi úshin barynsha paıdalaný kerektigin aıtty.
N.Nazarbaev atalǵan basqosýda biraz utymdy usynysyn aıtty. Máselen, Odaq memleketteri ózara taýar aınalymyn arttyrý úshin ónerkásip salalaryn jan-jaqty damytý kerektigin atap ótti, sondaı-aq álemde júrip jatqan sanksııalar saldarynan tıimdi jol tabý týraly bildirgen pikiri de mańyzdy. Bul jahandaný prosesinde EAEO-nyń daıyndyǵyn kúsheıtýde Elbasynyń rólin aıqyndaı túsedi.
Muhtar MANKEEV,
«Qazaqstan-2050» jalpyulttyq qozǵalysy keńesiniń tóraǵasy
