Oblysta alǵash ret uıymdastyrylyp otyrǵan slettiń ótýine QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qyzylorda oblysy boıynsha departamenti jáne oblystyq jastar saıasaty máseleleri basqarmasy uıytqy boldy.
«Slettiń basty maqsaty – qoǵamda adaldyq, shynshyldyq, ıgilik syndy qundylyqtardy qalyptastyrýǵa, qoǵamdyq sanany tárbıeleýge jastardy keńinen tartý. Sybaılas jemqorlyqtyń aldyn alý sharalary adamzattyń osyndaı izgi qundylyqtaryn dáripteýge, nasıhattaýǵa baǵyttalýy tıis. Biz, bul baǵyttaǵy jumystarǵa jastardyń áleýetin paıdalanýymyz kerek», - dedi departament basshysy Abzal Muhımov.
Oblystyń barlyq aýdandary men shalǵaı aýyldarynan da delegattar qatysqan slettiń saltanatty jıynynda Agenttiktiń Qyzylorda oblysy boıynsha departamenti janynan«Jemqorlyqty joıamyz» uranymen «Jastar qozǵalysy» jastar qanaty quryldy.
«Jastar qozǵalysy» jastar qanatynyń maqsaty - turmystyq jemqorlyqty joıýǵa atsalysý, kez-kelgen sybaılas jemqorlyq táýekelderine tózbeýshilik qaǵıdatyn qalyptastyrý. Alǵashqy kezekte belsendi jastar qatarynan spıkerler tobyn quryp, joǵary oqý oryndary men kolledj stýdentteri arasynda túsindirme jumystaryn júrgizemiz», - deıdi «Nur Otan» partııasy janyndaǵy «Jas Otan» jastar qanaty oblystyq fılıalynyń tóraǵasy Talǵat Tiles.
