Saıası qýǵyn-súrgin qurbandaryn eske alýǵa oblys ákimdiginiń ókilderi jáne qalalyq ákimdik basshylary, máslıhat depýtattary, quqyq qorǵaý organdarynyń, memlekettik mekemelerdiń, qoǵam qaıratkerleri, din ókilderi, ardagerler, etno-mádenı birlestikterdiń, úkimettik emes jáne qoǵamdyq uıymdardyń ókilderi, qýǵyn súrgin jáne asharshylyq jyldary qaza bolǵandardyń týystary men jaqyndary kelgen.
«Bul qasiretterdiń orny
eshqashan da tolmaıdy. Jáne muny árqashan jadymyzda saqtaımyz.
Bizdiń endigi jerdegi boryshymyz – eldiń birligin nyǵaıtý. Sol bir zulmat
jyldardyń oqıǵasyn, onyń jazyqsyz qurbany bolǵan arystarymyzdyń esimderin
umytpaý, olardy máńgi este saqtaý. Sol bir qatygez dáýirde de qazaq
qonaqjaılyǵynan jańylmady. Aýyrtpalyqqa shydap, uıysa bildi. Osyndaı
zobalań kórip, zulmatqa ushyraǵan arystarymyzdy eske ala otyryp, olardyń
erlikterine bas ıemiz. Olar óz mıssııasyna adal boldy. Endi mundaı jaǵdaı
qaıtalanbas úshin biz qoldan kelgenshe barlyq múmkindikterimizdi durys
paıdalanýmyz kerek. Halqymyzda «Bereke basy – birlikte» degen naqyl sóz bar.
Bizdiń eldiń qarqyndy damýynyń bir syry da osy bolar. О́ıtkeni bizder
beıbit, mamyrajaı ómirdiń qunyn baǵalaı biletin halyqpyz. Elbasy aıtqandaı, rýhanı jańǵyrýdyń basty
sharty – ulttyq kodty saqtaı bilý. Eger bizdiń ulttyq biregeıligimiz saqtalyp,
zaman aǵymyna saı jańaryp, birligimiz bekem bolsa – bizden myqty el bolmaıdy. Sizdermen tek
qaraly kúnderdi eske alýda emes, amandyqta, abyroıly isterde jolyǵaıyq», dedi
Ońdasyn Orazalın.
Jıyn qatysýshylary saıası qýǵyn-súrgin qurbandaryn únsizdik mınýtymen eske aldy.Aqtóbe oblysy boıynsha Qazaqstan Musylmandary dinı basqarmasynyń jáne Aqtóbe oblystyq «Nur-Ǵasyr» meshitiniń bas ımamy Ospan Tólebı saıası quǵyn súrgin qurbandarynyń rýhyna quran baǵyshtap,duǵa oqydy.Sharaǵa qatysýshylarǵa jeti nan taratyldy.
Sonymen qatar, oblys ákimi oblystyq fılarmonııa janyndaǵy saıası qýǵyn súrginge ushyraǵandar men asharshylyq qurbandarynyń eskertkishine gúl shoqtaryn qoıyp, eske aldy. Tarıhı derekter boıynsha, 1932-1933 jylǵy ashtyq pen aýrýdan Qazaqstanda 3 mıllıonǵa jýyq adam (jalpy halyqtyń 42%-y) kóz jumǵan. Al, asharshylyqtan keıingi 1937-1938 jyldardaǵy stalındik repressııalaý halqymyz úshin óte aýyr soqqy boldy. Osy jyldary Qazaqstanda 100 myńdaı adam sottalyp, onyń 25 myńy atyldy. Tek Aqtóbeniń ózinen 7 myń adam aıdalyp, 1800 adam atý jazasyna kesilgen.
