Almaty bıligi onyń sheshimin tapty. «Kólik jolaıryqtarynyń tireýish qabyrǵalarynan demontajdalǵan granıt taqtalar trotýralardyń aǵymdaǵy jóndeý jumystaryna jáne kóshelerdi abattandyrýda paıdalanylatyn bolady, sondaı-aq áleýmettik nysandarda qoldanylady» dep habarlaıdy Almaty qalasy ákimdiginiń baspasóz qyzmeti.
Qala mobıldigi basqarmasynyń habarlaýynsha, 5 jolaıryqtan demontajdalǵan barlyq taqtalardy ıgerý josparlanyp otyr. Qazirgi tańda alǵashqy jolaıryqtan 6,5 myń sharshy metr taqta alyndy, onyń 2,1 sharshy metri týneldiń tómengi jaǵyn qaptaýǵa paıdalanylǵan. 1,2 myń sharshy metr jaramsyz taqtalar trotýarlarǵa tóseledi, sonymen qatar mektepter men aýrýhanalardyń syrtqy jaǵyna qoldanylmaq. Al bútin taqtalar Raıymbek-Rozybakıev, Súıinbaı-Raıymbek jáne Jarokov-ál-Farabı dańǵyldarynyń qıylysyndaǵy kólik jolaıryqtaryndaǵy jóndeý jumystarynda paıdalanylyp jatyr.
Mektepter ázirden ǵımarat syrtyn árleý úshin demontajdalǵan taqtalarǵa ótinim berip jatyr, jóndeý jumystary shildede bastalady. Bilim mekemeleri mektepterdi jóndeý jumystary kezinde shyǵynnyń kóbisi ınjenerlik júıelerdi júrgizýge ketip, abattandyrýǵa kelgende únemdeýge týra keletinin alǵa tartyp otyr. Olardyń aıtýynsha, bul jóndeý jumystaryn aıtarlyqtaı shyǵynsyz aıaqtaýǵa jaqsy múmkindik.
ALMATY
