Saılaý • 05 Maýsym, 2019

Saılaýǵa daıyndyq pen ótkizý barysy aıtyldy

813 ret kórsetildi

Keshe Qazaqstan Respýblıkasy Ortalyq saılaý ko­mıssııasynyń tóraǵasy Berik Imashev ShYU Baıqaýshylar mıssııasynyń basshysy – ShYU Bas hatshysy Vladımır Norovpen kezdesti. Kezdesý barysynda 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyna ázirlik jáne ony ótkizý barysy týraly aıtyldy.

V.Norov Shanhaı yntymaqtastyq uıymy Baıqaýshylar mıssııasy Qa­­­zaqstan Respýblıkasynyń Syrtqy ister mınıstrliginiń shaqyrtýymen Nur-Sultanǵa kelgenin atap ótti. Osy shaqyrtýǵa baılanysty Qazaqstan Respýblıkasy Prezıdentiniń kezekten tys saılaýy barysyn baıqaıtyn ShYU Baıqaýshylar mıssııasy qurylǵan kórinedi. Bul oraıda ShYU-ǵa júktelip otyrǵan mindetterdiń biri – prezıdenttik jáne parlamenttik saılaýlarǵa, refe­ren­dýmdarǵa baqylaý júrgizý.

«Bul jumys bizdiń uıymda 2006 jyly qabyldanǵan tártipke saı júrgiziledi. Jalpy, Shanhaı yntymaqtastyq uıymy baıqaýshylar mıssııasy jumysyn eń alǵash 2004 jyly Qazaqstanda bastady. Shanhaı yntymaqtastyq uıymy Baıqaýshylar mıssııasy 25 múshe memlekettiń ókilderinen turady. Olar – óz elderiniń zańnamalyq, quqyqtyq salalarynan kelip otyrǵan joǵary sanatty saıasatkerler. Bizdiń mıssııa bú­gingi kúni Qazaqstanda jumysyn bastap ketti», dedi V. Norov.

Vladımır Imamovıchtiń aıtýyn­sha, Shanhaı yntymaqtastyq uıymy Baıqaýshylar mıssııasynyń ókilderi Qazaqstannyń 7 qalasynda, atap aıtqanda: Nur-Sultan, Almaty, Shym­kent, Túr­kis­tan, Qaraǵandy, Atyraý jáne О́ske­men qalalarynda jumys júrgizip jat­qan kórinedi. Sonymen qatar olar 6 aımaqty – Aqmola, Almaty, Qaraǵandy, Atyraý, Túrkistan jáne Shyǵys Qa­zaq­stan oblystaryn da qam­tymaq. Sóı­tip ShYU baıqaýshylar mıssııasy saı­laýdyń ádil óterine bek senimdi. О́ıtkeni Qazaqstandaǵy pre­zıdenttik saılaý joǵary deńgeıde zańǵa tolyq saı uıymdastyrylyp otyr. Onyń ústine olar Qazaqstannyń saılaý zańnamasynda birshama jańashyldyqtar bar ekenin de jasyrmady. Soǵan saı bul jańashyldyqtar ShYU elderine úlgi bolatyndyǵyn da atap ótti.

Al osynyń aldynda Ortalyq saılaý komıssııasynyń múshesi Lázzat Súleımenniń basshylyǵymen Almaty oblysynda «2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý kezeńinde saılaý ko­mıssııalarynyń jumysy týraly» ta­qyrybynda eki semınar-trenıng ótti. Máselen, sondaı kezekti semınarǵa atal­ǵan oblystyń aýmaqtyq jáne ýchas­kelik saılaý komıssııalarynyń tóraǵalary, tóraǵalarynyń orynbasarlary, hatshylary men músheleri, elektoraldy oqy­tý boıynsha sertıfıkattalǵan jat­tyqtyrýshylar, Almaty oblysy áki­mi apparaty basshysynyń orynba­sary, sondaı-aq Qapshaǵaı qalasy ákiminiń orynbasary jáne apparat basshysy, jergilikti atqarýshy organdar men buqa­ralyq aqparat quraldarynyń ókilderi qatysty.

Eki óńirde de Ortsaılaýkom múshesi L.Súleımen saılaýǵa ázirlik jáne daýys berý kúni saılaý komıssııalary qyzmetiniń máselelerine egjeı-teg­jeıli toqtaldy. Semınar barysynda qatysýshylar saılaý zańnamasyndaǵy ózgeristermen, saılaý naýqanynyń ne­gizgi kezeńderimen, kandıdattardyń saı­laý aldyndaǵy úgitti júzege asyrý shart­tarymen, saılaý komıssııalarynyń saılaýdy ázirleý men ótkizý jónindegi ókilettikterimen, aýmaqtyq saılaý ko­mıssııalarynyń jáne jergilikti at­qarýshy organdardyń múmkindikteri shek­teýli azamattardyń quqyqtaryn qam­tamasyz etý jónindegi mindetterimen tanystyryldy. Sondaı-aq barlyq saı­laý komıssııalarynyń qyzmeti ashyq­tyq jáne jarııalylyq negizinde jú­zege asyrylatynyn, saılaý týraly qol­danystaǵy zańnama talaptaryn qatań saq­taýǵa, saılaý komıssııalarynyń múshe­lerin kásibılendirýge erekshe kóńil bólinetinin atap ótti.

Almaty oblysy ákimi apparaty basshysynyń orynbasary J.Álimbekov jáne Qapshaǵaı qalasy ákimi appara­tynyń basshysy E.Qojahmetov saı­laý­shylardyń tizimin jasaý boıynsha júrgizilgen jumystar, saılaý ýchas­kelerin materıaldyq-tehnıkalyq jab­dyqtaý, onyń ishinde múmkindikteri shek­teýli adamdarǵa jaǵdaı jasaý boıynsha qabyldanǵan sharalar týraly baıandady.

Oblystyq saılaý komıssııasynyń tóraǵasy T.Daýtov, Qapshaǵaı qala­lyq saılaý komıssııasynyń tóraǵa­sy M.Aıtova, Ile aýdandyq saılaý komıssııasynyń tóraǵasy G.Chınaeva, Taldyqorǵan qalalyq saılaý komıssııa­synyń tóraǵasy E.Qoshanbekov, Sarqan aýdan­dyq saılaý komıssııasynyń tór­aǵa­sy O.Tertıýbaev saılaý naýqanyn ót­kizý, saılaý ýchaskelerin daýys berý kúni­ne ázirleý, saılaý komıssııalarynyń múshelerin kaskadtyq ádispen ári qashyq­tyqtan oqytý jáne testileý ádisimen oqytý jaǵdaıy týraly habardar etti.

Ortsaılaýkom apparatynyń saılaý prosesin uıymdastyrý bóliminiń bas sarapshysy mindetin atqarýshy B.Baıseıitov 2019 jylǵy 9 maýsymda saılaýǵa ázirlik jáne ony ótkizý kezeńinde ýchaskelik saılaý komıssııalary qyzmetiniń negizgi baǵyttary týraly baıandama jasady. Oqytý semınarlaryn ótkizý kezinde qatysýshylar saılaý naýqanynyń negizgi kezeńderin ótkizý barysy, saılaýshylar tizimderimen jumys isteý, saılaý komıssııalarynyń saılaý­dy ázirleý men ótkizý, saılaý týraly zańnamanyń oryndalýyn qamtamasyz etý boıynsha ókilettikteri týraly su­raqtar qoıdy. Ortsaılaýkom múshesi L.Súleımen 2019 jylǵy 9 maýsymǵa taǵaıyndalǵan Qazaqstan Respýblıkasy Prezıdentiniń kezekten tys saılaýyn ázirleý men ótkizý kezeńindegi saılaý ko­mıssııalarynyń jumysy týraly keńinen aıtyp berdi.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar